Džakuzi ź iržavaj vadoj za 800 rubloŭ: biełaruska raskazała pra sapsavanyja vychadnyja ŭ sanatoryi
Žančyna chacieła rassłabicca i adpačyć na vychadnych u ajčynnym sanatoryi, ale atrymała tolki sapsavanyja niervy.
Pra niepryjemny vypadak Iryna raskazała ŭ tyktoku. Žančyna kaža, što apošnim časam u jaje žyćci było šmat stresu, tamu jana apłaciła spa-vychadnyja ŭ sanatoryi «Biełarusačka». Znachodzicca toj siarod chvojna-biarozavaha lesu na bierazie vadaschovišča Drazdy — da Minska ŭsiaho 4 kiłamietry.
Uziała samy darahi numar — za luks jana zapłaciła 800 rubloŭ za dźvie nočy. Tam, darečy, jość džakuzi. U jaho ž Iryna i vyrašyła zanyrnuć u pieršy ž viečar. Nabrała poŭnuju vannu vady, nacisnuła knopku, kab źjavilisia burbałki — i voś tut pačałosia dziŭnaje.
— Usia vada — a ja ŭžo ŭ vańnie hołaja — zapaŭniajecca niejkim karyčnievym… niezrazumieła čym. Vielmi padobna da fiekalij, ale pry bližejšym razhladzie ŭsio ž bolš padobna na adkłady z trub.
Nastupnym rankam Iryna vyrašyła raskazać pra prablemu ŭ rehistratury sanatoryja.
— Ja zapatrabavała knihu skarhaŭ, kab paviedamić ab tym, što ŭ samym darahim numary adbyvajecca takoje. Na što mnie kažuć, što siońnia vychadny, administracyi niama na miescach, a kniha skarhaŭ lažyć niedzie ŭ siejfie i mnie jaje dać nie mohuć.
Aburanaja žančyna pasprabavała rastłumačyć, što nie davać joj knihu skarhaŭ nie majuć prava, bo heta pravaparušeńnie.
— Mnie kažuć: «Dobra, pišycie zajavu». Ja pišu, i mnie ŭ adkaz na papiercy pišuć: «My nie damo, pryjazdžajcie z paniadziełka pa piatnicu». A ŭ mianie spa-vychadnyja!
Marnavać čas na nastupnym tydni, kab znoŭ pryjechać u sanatoryj i raskazać pra aburalnuju situacyju, Iryna nie mieła nijakaha žadańnia. Tamu jana vyrašyła źviarnucca da administracyi «Biełarusački» praz tyktok, a taksama da Respublikanskaha centra pa azdaraŭleńni i sanatorna-kurortnym lačeńni nasielnictva Biełarusi.
Zdajecca, dziaŭčyna znajšła samaje instahramnaje miesca dla adpačynku ŭ Biełarusi. Ale košt hłempinhu nie dla słabaniervovych
Ludzi ŭ šoku ad taho, kolki kaštuje vosiem dzion płyć pa rekach Paleśsia na ciepłachodzie «Biełaja Ruś»
Piać luksavych hatelaŭ Biełarusi, jakija znachodziacca ŭ nievialikich haradach. Vy dakładna pra ich nie viedali
Ciapier čytajuć
Stancyju mietro na praśpiekcie Pieramožcaŭ pieradumali budavać?1
Kamientary