Ranicaj 20 žniŭnia ŭ Viciebsku adbyłosia nadzvyčajnaje zdareńnie. Prykładna a 7-j hadzinie na liniju 102 patelefanavała žančyna i paviedamiła, što jaje 17-hadovaja dačka padviarhajecca napadu znajomaha.
Jak paviedamlajecca, u dvary doma supracoŭniki milicyi, jakija pryjechali na vyklik, ubačyli mužčynu, jaki ŭdaryŭ dziaŭčynu nažom. Na patrabavańnie kinuć zbroju jon nie reahavaŭ i napaŭ užo na siłavikoŭ. U adkaz adzin ź milicyjantaŭ zrabiŭ prycelnyja streły pa nahach napadnika.
Paciarpiełuju dastavili ŭ reanimacyju, a napadnik — 22-hadovy miascovy žychar, raniej sudzimy — taksama špitalizavany.
U dačynieńni da jaho raspačataja kryminalnaja sprava za sprobu zabojstva dvuch i bolš asob. Pa źniešnich prykmietach napadnik byŭ u stanie narkatyčnaha apjanieńnia. Pryznačanyja adpaviednyja ekśpiertyzy.
Mikoła Buhaj: Treba pieraharnuć staronku 2020-ha i pačać žyć novymi realijami68
Kamientary