Łaŭroŭ zapatrabavaŭ udziełu Rasii i Kitaja ŭ harantyjach biaśpieki Ukrainie
Ministr zamiežnych spraŭ Rasii Siarhiej Łaŭroŭ zajaviŭ, što Maskva nie prymie harantyi biaśpieki dla Ukrainy, kali jany buduć raspracoŭvacca biez udziełu Rasii. Jon nazvaŭ takija padychody «šlacham u nikudy» i ličyć, što abmiarkoŭvać pytańni biaśpieki biez udziełu Rasijskaj Fiederacyi — utopija.
Łaŭroŭ adznačyŭ, što Maskva padtrymlivaje tolki sapraŭdy nadziejnyja harantyi biaśpieki, spasyłajučysia na prajekt Stambulskich damoŭlenaściaŭ viasnoj 2022 hoda. Pavodle jaho słoŭ, Ukraina tady nibyta prapanavała zamacavać niejtralny, pazabłokavy i biaźjadzierny status, a harantami pavinny byli stać pastajannyja členy Rady Biaśpieki AAN, uklučajučy Rasiju i Kitaj, a taksama zhadvalisia Hiermanija i Turcyja. Heta, na dumku Łaŭrova, zabiaśpiečvała roŭnuju i niepadzielnuju biaśpieku ŭsich zacikaŭlenych bakoŭ.
Adnak ža, pavodle stambulskich dakumientaŭ, akurat pytańnie harantyj biaśpieki stała pryčynaj spynieńnia pieramoŭ viasnoj 2022 hoda, bo Rasija patrabavała, kab dapamoha Ukrainie ŭ vypadku novaj ahresii akazvałasia tolki sa zhody ŭsich členaŭ Rady Biaśpieki AAN, što dazvalała Maskvie błakavać lubuju padtrymku.
Tema harantyj biaśpieki dla Ukrainy abmiarkoŭvałasia na sustrečach prezidentaŭ Rasii i ZŠA Uładzimira Pucina i Donalda Trampa na Alascy 15 žniŭnia, a taksama padčas pieramoŭ Trampa z ukrainskim lidaram Uładzimiram Zialenskim i jeŭrapiejskimi sajuźnikami 18 žniŭnia. Pavodle danych vydańnia Axios, Pucin vydzialaŭ Kitaj jak adnaho z klučavych patencyjnych harantaŭ. Tramp zajaviŭ, što asnoŭnuju častku abarony Ukrainy voźmie na siabie Jeŭropa, a ZŠA dapamohuć.
U toj ža čas 10 krain z «kaalicyi zhodnych» zajavili pra hatoŭnaść raźmiaścić svaje vojski va Ukrainie paśla zaviaršeńnia vajny, u tym liku Vialikabrytanija i Francyja. Raniej zachodnija ŚMI paviedamlali, što ZŠA vyklučyli mahčymaść ustupleńnia Ukrainy ŭ NATO, ale prapanavali harantyi biaśpieki, anałahičnyja artykułu 5 statuta Paŭnočnaatłantyčnaha sajuza, dzie napad na adnaho člena razhladajecca jak napad na ŭsich.
MZS Rasii prakamientavaŭ mahčymaść raźmiaščeńnia vojskoŭcaŭ krain NATA va Ukrainie
Makron: My pavinny dapamahčy Ukrainie z dapamohaj naziemnych vojskaŭ
Zialenski paśla samitu ŭ Biełym domie: «Heta najlepšaja naša sustreča»
«Kaalicyja zhodnych» hatovaja raźmiaścić vojski va Ukrainie paśla spynieńnia ahniu
Abaviazacielstvy Rasii nie napadać na Jeŭropu i Ukrainu musiać raspaŭsiudžvacca i na Biełaruś
Zialenski: Treba spynić ahoń i pracavać nad mirnym pahadnieńniem. Kanstytucyja nie dazvalaje «handlavać ziamloj» — zdačy Danbasa nie budzie
Ciapier čytajuć
«Jon kazaŭ, što zołata z saboj nie zabiareš, lepiej zrabić niešta dla inšych». Dačka biznesmiena Kalina raskazała, jak razam z bratam čakaje jaho z kałonii
Kamientary