78-hadovaja Nina Bahinskaja padała zajavu ŭ milicyju Pieršamajskaha rajonu Miensku ab tym, što ŭ budynku RUUS u jaje ŭpotaj zabrali hadzińnik, paviedamlajuć krynicy telekanała «Biełsat».
Incydent zdaryŭsia ŭčora, 18 žniŭnia. U RUUS było šmat ludziej, jakija adbyli pakarańnie ci znachodziacca na tak zvanaj «chimii» pa palityčnych spravach i pryjšli, kab adznačycca ŭ žurnale nahladu, raskazała krynica «Biełsata».
Pa słovach surazmoŭcy, Ninu Bahinskuju dastavili va ŭpraŭleńnie supracoŭniki milicyi na mašynie i adviali na treci pavierch. Praź niejki čas aktyvistka spačatku vyjšła ź milicyi, a potym tudy viarnułasia i paviedamiła, što z kišeni kurtki źnik jaje hadzińnik.
Joj udałosia prajści ŭ toj kabiniet, dzie ź joj hutaryŭ čałaviek u cyvilnym. Jon skazaŭ žančynie, što hadzińnik nie viernie, bo jaho adpraviać na ekśpiertyzu. Vydać Bahinskaj jaki-niebudź dakumient ci chacia b raśpisku pra toje, što jon zabraŭ hadzińnik, admoviŭsia.
Viadoma, što čałaviek u cyvilnym nazvaŭsia Dźmitryjem Kulnisam. Paśviedčańnie asoby nie pakazaŭ. Akramia taho, jon zahadaŭ supracoŭnikam zrezać z kurtki Bahinskaj nadpis z patrabavańniem vyzvaleńnia palitviaźniaŭ.
30 krasavika sud Pieršamajskaha rajona Minska vyzvaliŭ Ninu Bahinskuju ad pakarańnia pa kryminalnym artykule 342 za vykarystańnie biełaruskaj nacyjanalnaj simvoliki, ale addaŭ aktyvistku pad previentyŭny nahlad.
Ciapier čytajuć
Biełaruskaha Siniuju Baradu adpuścili z rasijskaj turmy pamirać doma2
Biełaruskaha Siniuju Baradu adpuścili z rasijskaj turmy pamirać doma
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu1313
Kamientary
Videa ź im: https://www.youtube.com/watch?v=AxlyDy0DvgA