20-hadovaj ukraincy pahražaje śmiarotnaje pakarańnie na Bali. Šukajuć jaje i na radzimie
Kaciaryna Vakarava rodam z Adesy. Jana ŭ vyšuku va Ukrainie za ŭdzieł u arhanizavanaj złačynnaj hrupie, jakaja raspaŭsiudžvała narkotyki. Niadaŭna jaje zatrymali ŭ aeraporcie Indaniezii. Dziaŭčynie pahražaje śmiarotnaje pakarańnie, i heta całkam realna — tam užo rasstrelvali zamiežnikaŭ za narkotyki.
Kaciarynie Vakaravaj 20 hadoŭ. Jana rodam z Adesy. Jaje baćka drobny pradprymalnik u śfiery pieravozak. Paśla škoły dziaŭčyna pastupiła va ŭniviersitet na miedyjščycu, ale praz hod kinuła navučańnie. Niekalki hadoŭ tamu ŭ Kaciaryny byŭ status IP jak u cyrulnicy.
U 2025 hodzie žyćcio Vakaravaj pakaciłasia pad adchon. U červieni jaje abvieścili ŭ vyšuk va Ukrainie — jak udzielnicu złačynnaj arhanizacyi, što raspaŭsiudžvała narkotyki.
A 3 žniŭnia dziaŭčynu aryštavali ŭ aeraporcie Hucci Nhura Raj na indaniezijskim vostravie Bali. Dziaŭčyna pavodziła siabie padazrona, tamu jaje dasłali na dahlad. Padčas skanavańnia ŭ dziaŭčyny znajšli dva kiłahramy 4-CMC — heta anałah sumnaviadomaha miefiedrona. Taki abjom — heta niekalki tysiač razavych doz, a ahulny košt partyi — dziasiatki tysiač dalaraŭ.
Vakarava pryznałasia, što źbirałasia pradavać narkotyki turystam. Ciapier jaje praviarajuć na suviazi sa złačynnymi hrupami i šukajuć padzielnikaŭ dziaŭčyny. Kaciarynu dapytvali troje sutak, a paśla źmiaścili pad vartu.
U Indaniezii vielmi strohaje antynarkatyčnaje zakanadaŭstva. Navat za zachoŭvańnie moža pahražać da 20 hadoŭ, a za raspaŭsiud ci vytvorčaść — pažyćciovaje ci śmiarotnaje pakarańnie. Zamiežnikaŭ časta karajuć bolš žorstka.
Z 2015 hoda byli rasstralanyja bolš za 10 hramadzian inšych krain, ale zvyčajna śmiarotnaje pakarańnie adkładajuć, a ludziej trymajuć za kratami. Naprykład, 69-hadovaja brytanka Lindsi Sendvard užo bolš za 12 hadoŭ za kratami abskardžvaje prysud, ale pakul jana prajhrała va ŭsich instancyjach.
U 2026 ustupaje ŭ siłu novy kryminalny kodeks, jaki źmiahčyć antynarkatyčnaje zakanadaŭstva. Ale na ciapierašni momant Kaciarynie Vakaravaj pahražaje vielizarny termin, pažyćciovaje abo śmierć.
«Naša Niva» — bastyjon biełaruščyny
PADTRYMAĆ
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary
Hetaja ...dzievačka z Adesa Ukraina jana navat ni viedaje Zakon Prava ..złačynstva - pakarańnie ale " 20.hrivien" pa lehkamu i aŭto padpale