Cichanoŭskaja pavinšavała muža z dniom narodzinaŭ i apublikavała fota ŭsioj siamji
18 žniŭnia Siarhiej Cichanoŭski adznačaje dzień narodzinaŭ — pieršy za doŭhi čas na voli. Jamu spoŭniłasia 47 hadoŭ. Cichanoŭskaja pavinšavała muža praź instrahram i pastaviła fota svajoj siamji, na jakoj usie pobač.
«Siarhiej, siońnia taki doŭhačakany dzień naradžeńnia, jaki my sustrakajem razam, paśla piaci hadoŭ razłuki.
Pieršy tvoj dzień narodzinaŭ, kali ja ŭpeŭnienaja, što ty pabačyš vinšavańni našych dziaciej, bo ciapier jany mohuć uručać ich asabista, abdymać ciabie i bačyć tvaju ŭśmiešku.
Ty — maja apora, moj siabra i moj kachany. I ja zyču tabie siońnia i zaŭsiody adčuvać tuju ž ciepłyniu, jakuju my ciapier adčuvajem pobač z taboj. Dziakuj tabie za tvaju siłu, za tvaju luboŭ i za toje, što, niahledziačy ni na što, my ŭsio ž taki razam», — napisała jana.
Kamientary
Niejk zusim zhublena štości čałaviečaje ŭ hetym..