Byłaja studentka fiłfaka Bondarava zrabiła šeść pamyłak u vaśmi słovach
Viadomaja prarasijskaja danosčyca Volha Bondarava čarhovy raz vystupiła ŭ kryžovy pachod suprać biełaruščyny. Hetym razam pad jaje pryceł trapiła biełaruskamoŭnaja płatforma «Hałasavy AI-asistent», raspracavanaja ŭ Abjadnanym instytucie prablem infarmatyki NANB. Ale zadajučy joj pravakacyjnyja, na svaju dumku, pytańni, byłaja studentka fiłfaka zaśviedčyła svaju drymučuju niepiśmiennaść.
U karotkim zapycie z vaśmi słoŭ, jaki danosčyca-biełarusafobka pasprabavała napisać pa-biełarusku, jana ŭmudryłasia zrabić ažno šeść pamyłak. Jaje aŭtarskaje napisańnie:
«Jakaja mova u bjełarusi dziaržaunaja zhodna s kanstitucyjej?»
I kali dvuchrazovaje napisańnie «u» zamiest «ŭ» paśla hałosnaj možna śpisać na adsutnaść u kampjutary danosčycy biełaruskamoŭnaj raskładki, što dla jaje chutčej naturalna, a małoj litary zamiest vialikaj u pačatku słova «Biełaruś» — na ŭvohule vykarystańnie ŭ internet-kamunikacyi tolki małych litar (tak robiać mnohija), to napisańnie «s kanstitucyjej» ničym inšym nie rastłumačyš, jak tolki poŭnaj adsutnaściu ŭ Bondaravaj ujaŭleńnia pra praviły biełaruskaj movy.
I ŭsio b ničoha, kali nie viedać, što z 2022 hoda Bondarava vučyłasia nie dzie-niebudź, a na dzionnym adździaleńni fiłałahičnaha fakulteta Biełaruskaha dziaržaŭnaha piedahahičnaha ŭniviersiteta imia Maksima Tanka pa śpiecyjalnaści «Biełaruskaja mova i litaratura». Jaje adličyli adtul tolki sioleta ŭ krasaviku paśla taho, jak danosčyca adbyła 13 sutak na Akreścina pavodle «ekstremisckaha» artykuła, bo «niešta pierapościła»
Minski restaran zakryŭsia paśla viečarynki ŭ styli ŁHBT. Prykłała ruku Bondarava
Dziaržaŭnyja prapahandysty abviaścili Bondaravu «škodnaj zmaharkaj»
Hurt «Drazdy» pakidaje scenu i vinavacić u hetym «hipieraktyŭnych błohieraŭ»
Prapahandysty zajavili pra zatrymańnie miadzielskaha muzyki, pra jakoha pisała Bondarava
«Pakazvajecie svajo hreblivaje staŭleńnie da ludziej». Bondarava asudziła isteryku Azaronka i Pustavoha, vyklikanuju prablemami z bulbaj
Kamientary