Łaŭroŭ zajaviŭ, što sustreča Pucina i Zialenskaha pakul nie hatovaja dla praviadzieńnia
Paśla taho jak prezident ZŠA Donald Tramp abviaściŭ pra mahčymyja pieramovy pamiž lidarami Rasii i Ukrainy, źjavilisia paviedamleńni ŭ zachodnich ŚMI, što Pucin nibyta ŭžo pahadziŭsia i navat prapanavaŭ pravieści sustreču ŭ Maskvie. Ale aficyjnaha paćviardžeńnia hetaha z Kramla nie było. Ciapier ža ministr zamiežnych spraŭ Rasii Siarhiej Łaŭroŭ zajaviŭ, što sustreča Uładzimira Pucina i Uładzimira Zialenskaha pakul nie hatovaja da praviadzieńnia.
Łaŭroŭ adznačyŭ, što dla samitu patrebnaja surjoznaja padrychtoŭka, kab vynik nie pahoršyŭ situacyju, a staŭ zaviaršeńniem užo najaŭnych pieramoŭ, jakija praciahvajucca ŭ farmacie, raspačatym u Stambule.
Pavodle infarmacyi ad krynic The Washington Post, u Kramli ŭvohule sumniajucca, što Pucin sapraŭdy sustreniecca ź Zialenskim. Dla Maskvy takaja sustreča mahła b vyhladać jak pryznańnie lehitymnaści ŭkrainskaj ułady, što razhladajecca jak prablema. Na dumku rasijskaha boku, sustreča mahčyma tolki paśla ŭzhadnieńnia ŭmoŭ mirnaj damovy, pryčym u vyhladzie, jaki Rasija ŭsprymała b jak kapitulacyju Kijeva.
Krynicy vydańnia taksama adznačajuć, što Pucin adčuvaje narastańnie kryzisu i cisk sankcyj, tamu choča zaviaršyć vajnu, ale žadaje zrabić heta tak, kab vyhladać pieramožcam.
Łaŭroŭ zapatrabavaŭ udziełu Rasii i Kitaja ŭ harantyjach biaśpieki Ukrainie
MZS Rasii prakamientavaŭ mahčymaść raźmiaščeńnia vojskoŭcaŭ krain NATA va Ukrainie
U hateli Ankorydža amierykancy zabylisia dakumienty, datyčnyja samitu Trampa i Pucina
«Vy b addali Fłarydu, Džordžyju, Virdžyniju?» Prezident Finlandyi patłumačyŭ amierykancam, kolki terytoryi Pucin patrabuje ad Ukrainy
Kamientary