«Bajsoł» źbiraje hrošy dla dziaciej palitviaźniaŭ da pačatku navučalnaha hoda
Na kožnaje dzicia da 16 hadoŭ budzie vypłačana pa 100 jeŭra.
«Bajsoł» źbiraje hrošy dla 244 dziaciej palitviaźniaŭ, kab padrychtavać ich u škołu i sadok. Heta dzieci ŭžo vyzvalenych viaźniaŭ i tych, chto jašče ŭ niavoli.
Na kožnaje dzicia da 16 hadoŭ budzie vypłačana pa 100 jeŭra. Zvyčajna baćki i apiekuny vydatkoŭvajuć hetyja hrošy na pakupku adzieńnia, sšytkaŭ i knižak.
«Samyja vialikija vydatki, kali źbiraju dziaciej u škołu, heta — vopratka, abutak, zaplečniki. Naprykład, nam patrebnyja minimalna čatyry pary abutku. Plus buduć try repietytary. U mianie niama inšaha vyjścia: treba vyžyć, prakarmić siabie i dziaciej. Tamu ja adkładvaju, ale ŭsio roŭna, kožny vierasień — heta jama ŭ biudžecie. Tamu ja zaŭsiody ŭdziačnaja luboj padtrymcy, luboj sumie. Heta skarb dla mianie, u situacyi, kali možaš raźličvać tolki na siabie», — havoryć Anhielina, adna z atrymalnic dapamohi.
Pa stanie na 19 žniŭnia BYSOL vypłaciŭ dapamohu dla 82 dziaciej z 244. Zbor srodkaŭ praciahvajecca, dałučycca možna na sajcie fondu.
Ciapier čytajuć
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary