Kanstancin Kavieryn raskazaŭ, jak na radyjo jamu prydumali psieŭdanim i jakoje jaho sapraŭdnaje proźvišča
Viadoŭca ranišniaha šou «Obyčnoje utro» Kanstancin Kavieryn u novym vypusku TOKu raskazaŭ, adkul uziaŭsia jaho psieŭdanim, chto jaho prydumaŭ i ci padabajecca jon samomu Kanstancinu.
Padčas razmovy ź viadoŭcam «Obyčnoho utra» Nastaśsia Roŭda źviarnuła ŭvahu, što Kavieryn — nie sapraŭdnaje jahonaje proźvišča, i pacikaviłasia abstavinami, pry jakich Kanstancin Misuna staŭ Kavierynym.
«Heta nie ja vyrašyŭ. Heta było vyrašana na radyjo «Junistar» Iharam Sukmanavym, našym cudoŭnym tahačasnym prahramnym dyrektaram», — raskazaŭ Kavieryn.
Pavodle słoŭ Kanstancina, kinakrytyk i šmathadovy prahramny dyrektar kinafiestyvalu «Listapad» adyhraŭ «vielizarnuju rolu» ŭ jaho žyćci.
Jak zhadvaje Kanstancin, Sukmanaŭ prydumaŭ dla jaho psieŭdanim pierad pieršym vychadam maładoha viadoŭcy ŭ efir na «Junistar».
«Jon skazaŭ, što [Misuna] nie pojdzie, nie pasuje, treba niešta takoje prydumać. Jon uziaŭ i prydumaŭ. Čamuści Kavieryn. Usie radasna paplaskali i skazali: «Tak-tak, voś jon Kavieryn».
Na pytańnie Nastaśsi, ci spadabaŭsia jamu novy psieŭdanim, Kanstancin adkazaŭ, što nie.
«Ale ty prava hołasu nie mieŭ?» — udakładniła z uśmieškaj viadoŭca.
«Tak, tam było ciažkavata z hetym», — adkazaŭ Kanstancin.
Pry hetym, jak pryznaŭsia viadoŭca, sapraŭdnaje proźvišča jamu taksama nie padabajecca.
«Naohuł žyć Kanstancinam Misunam vielmi niaprosta, ja tabie skažu. Mnie nie padabajucca ni majo imia, ni proźvišča», — zaŭvažyŭ Kanstancin.
Jon dadaŭ, što zboku roźnica pamiž proźviščami moža padavacca nieistotnaj:
«Vam ža hetaha nie zrazumieć. (…) Vam zboku ŭsio roŭna: Kavieryn, Misuna… Nu jość niejki — i jość. Mnie nie padabajecca. Ja b lepš byŭ Hrynbierham. Tak, mnie padabajecca proźvišča Hrynbierh. Nie viedaju čym».
(«Misuna» — biełaruskaje proźvišča bałta-słavianskaha pachodžańnia, častaje na biełaruskim Paazierji, ad imieni ŭłasnaha Michaś — u daŭninu jaho skaračali, łaskava ci niefarmalna, hutarkova, da Miś, Misiunia, Misuna. Litoŭski varyjant taho ž proźvišča — Misunas, Misiunas. Paraŭnajcie ź inšymi padobnymi proźviščami ź biełaruska-litoŭskaha pamiežža: Alaksiun, Šakun, Pietrašun, Alaksiunas, Pietrašuniec, Piatrašunas — NN.)
Kavieryn pra Trampa: Ja dumaŭ, jon realny pacan, a jon akazaŭsia ryžym bajaźlivym kłoŭnam
«Abažaju hetaje lavackaje dziarmo». Kavieryn nahavaryŭ u efiry takoje, što hledačy ŭ šoku
Šoŭmien Kavieryn: Tak biezdapamožna, jak ciapier, naša ŭłada nie vyhladała. Spačatku z karanavirusam, zaraz ź Cichanoŭskim
Ciapier čytajuć
Viačorka: Sustreča Sikorskaha z Ryžankovym moža ŭdaryć pa staŭleńni da biełarusaŭ u Jeŭropie19
Viačorka: Sustreča Sikorskaha z Ryžankovym moža ŭdaryć pa staŭleńni da biełarusaŭ u Jeŭropie
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1111
Kamientary