Hienieralny dyrektar Departamienta palicyi biaśpieki Marha Pałasan paviedamiŭ, što ŭ paniadziełak prykładna a 15:00 miascovy fiermier znajšoŭ častki vajskovaha drona ŭ Tartumaa.
«Heta byŭ vajskovy dron z vybuchoŭkaj, jakaja taksama spracavała, — skazaŭ Pałasan. — Nichto nie paciarpieŭ», — dadaŭ jon. U paniadziełak u Centr tryvohi pastupiła paviedamleńnie, što ŭ vołaści Ełva Tartuskaha pavieta ŭ centry krainy, u akružeńni voziera Vyrtśjarv, na poli byli znojdzieny abłomki udarnaha drona i kratar ad vybuchu.
Žycharka pa imieni Chije, čyj dom znachodzicca pobač ź miescam zdareńnia, raskazała, što ranicaj u niadzielu prykładna a piataj hadzinie jana pačuła mocny vybuch. Paśla hetaha pračnulisia ŭsie, chto byŭ doma. «Heta byŭ vielmi mocny hrochat, a potym pajšoŭ taki huł, jak recha», — apisała jana. «U mianie koni byli na vulicy. Padumała: a raptam ź imi niešta zdaryłasia».
Kamientary