Masiravanaja ataka BPŁA na Rasiju: pažary na naftazavodach, radyjozavodzie i vybuchi kala vajskovaha aeradroma
U noč na 2 žniŭnia ŭ šerahu rehijonaŭ Rasii prahučali vybuchi, jakija supravadžalisia pracaj sistem supraćpavietranaj abarony.
Vidavočcy paviedamili pra ataku bieśpiłotnikaŭ i vialikija pažary na naftapierapracoŭčych zavodach, vybuchi na radyjozavodach i kala vajennaha aeradroma, piša «Ukrainskaja praŭda».
Naślidki udaru biezpiłotnika po Novokujbišievśkomu NPZ u Samarśkij obłasti Rosiji pic.twitter.com/EOQhSaXExf
U sacyjalnych sietkach źjavilisia videa vialikaha pažaru, vierahodna, na terytoryi Navakujbyšaŭskaha NPZ u Samarskaj vobłaści. Na kadrach čutnyja huki, padobnyja na pracu bieśpiłotnikaŭ i pracu sistem supraćpavietranaj abarony. Hubiernatar Samarskaj vobłaści Viačasłaŭ Fiedaryščaŭ paćvierdziŭ udar bieśpiłotnikaŭ pa Navakujbyšaŭsku.
«Siońnia ranicaj varožyja BpŁA atakavali adno z pramysłovych pradpryjemstvaŭ u Navakujbyšaŭsku. Na miescy pracujuć apieratyŭnyja słužby», — napisaŭ jon u svaim kanale.
Jon taksama paviedamiŭ, što ŭ vobłaści ŭviedzieny časovyja abmiežavańni pracy mabilnaha internetu, a samarski aeraport prypyniŭ pracu.
Bieśpiłotniki taksama, vierahodna, udaryli pa AAT «Vytvorčaje abjadnańnie «Elektraprybor» u horadzie Pienza. Hetaje pradpryjemstva niepasredna źviazana z abaronnym siektaram RF. Jano śpiecyjalizujecca na vytvorčaści elemientaŭ kiravańnia dla rasijskich rakietnych sistem i sistem suviazi. Pobač ź im raźmieščany adziny rasijski abaronny zavod, jaki vyrablaje punkty kiravańnia bajavymi dziejańniami padraździaleńniaŭ SPA — AAT «Radyjozavod», jaki, vierahodna, taksama byŭ paškodžany.
Momient uražieńnia AO "Virobničie objednańnia "Jelektropribor" v rosijśkomu misti Pienza pic.twitter.com/O1l1Ijtgpx
Pa słovach vidavočcaŭ, kala aeradroma Dziahileva, što raźmieščany ŭ Razanskaj vobłaści, prahučali mocnyja vybuchi.
Jašče adzin naftapierapracoŭčy zavod, vierahodna, byŭ paškodžany ŭ horadzie Razań. Miascovyja pabliki publikavali videa vidavočcaŭ, dzie bačny słup ahniu. Ułady rehijona paćvierdzili fakt ataki bieśpiłotnikaŭ na miascovaje pradpryjemstva, nie ŭdakładniajučy, pra jakoje mienavita idzie havorka.
Kamientary