Na nastupnym tydni, z 8 pa 14 vieraśnia, čakajecca amal letniaje nadvorje, choć aficyjna vosień užo ŭstupiła ŭ svaje pravy.
Pavodle prahnozu sinoptyka Dźmitryja Rabava, zroblenaha ŭ efiry kanała ANT, pryčyna takoj ciopłaj pohody — pastupleńnie ciopłych pavietranych mas z poŭdnia, što pavyšaje tempieraturu na 4—6 hradusaŭ vyšej za zvyčajnuju dla hetaj pary hoda. Apadkaŭ budzie niašmat, tamu vosień pakul adčuvajecca tolki pa kalendary.
U pačatku tydnia budzie daminavać vobłaść vysokaha cisku ź pieravažna pieramiennaj vobłačnaściu, bieź istotnych apadkaŭ. Mohuć źjaŭlacca słabyja ranišnija i načnyja tumany. Tempieratura nočču ad +9 da +15 hradusaŭ, dniom — ad +23 da +27 hradusaŭ u paniadziełak. U aŭtorak jana vahajecca ad +21 na paŭnočnym uschodzie da +29 na paŭdniovym zachadzie.
U siaredzinie tydnia ŭpłyŭ antycykłona z centralnych rehijonaŭ Rasii zachavajecca: vobłačnaść budzie pieramiennaja, daždžy małavierahodnyja. Tempieratura nočču ad +7 da +14 hradusaŭ, dniom — ad +20 u Viciebsku da +32 u Breście.
Da vychadnych nadvorje zachavajecca ciopłaje, ale bolš vilhotnaje. Z zachadu padydzie atmaśfierny front z karotkačasovymi daždžami. Uvohule čakajecca pieramiennaja vobłačnaść, umierany viecier, nočču i ranicaj mahčymy tuman z bačnaściu da 500 mietraŭ, vilhotnaść da 80%. Tempieratura nočču ad +10 da +17 hradusaŭ, dniom u subotu ad +23 da +29 hradusaŭ, a ŭ niadzielu jašče vyšejšaja — ad +26 da +31 hradusa.
Ciapier čytajuć
«Siadzieŭ užo 50 sutak, zatrymali jaho dziaŭčynu i brata». Sukamiernik raskazaŭ pra radyjoamatara, aryštavanaha za zdradu dziaržavie4
Kamientary
Plažy jznoŭ poŭnyja, ludzi siadziać u vadzie.
A voś dalej napeŭna ciapła ŭžo nia budzie. A moža j budzie, letaś 20 kastryčnika było +26S°.