«Pieršy miesiac mianie šakavaŭ». Biełaruska raspaviała, kolki zarablaje na zdačy kvatery na sutki ŭ Hrodnie
Maładaja žančyna, jakaja vyrablała torty na zamovu, vyrašyła kinuć kulinaryju i pačała zdavać u arendu svaju kvateru ŭ turystyčnym horadzie. Paśla pieršaha miesiaca haradzienka ŭ zachapleńni.
Pra svoj šlach Ina raspaviadaje ŭ tyktoku. Jana padzialiłasia, čamu vyrašyła zdavać u arendu dvuchpakajovuju kvateru. Pieršapačatkova takich płanaŭ u ich z mužam i blizka nie było. U svoj čas jany nabyli nieruchomaść dla siabie, ramont rabili pad svaje patreby, nie ekanomili na jakaści budaŭničych materyjałaŭ.
Ale atrymałasia tak, što ciapier siamja žyvie ŭ domie za horadam. Tamu i ŭźnikła pytańnie, a što ž rabić z kvateraj? Ažno hod paśla taho, jak ramont byŭ zavieršany, taja stajała pustoj. Ina sprabavała pracavać tam jak damašni kandytar, ale joj heta ŭžo nadakučyła.
— Treba było niešta rabić. Pa-pieršaje, ramont hublaje aktualnaść. Pa-druhoje, kvateru nabyvali ŭ kredyt, plus niekatoruju meblu, techniku my taksama brali ŭ rasterminoŭku.
Paśla doŭhich rozdumaŭ nieruchomaść vyrašyli ŭsio ž zdavać u arendu.
— Mienavita dla mianie heta było vielmi składanaje rašeńnie. Bo ja jaje rabiła całkam pad siabie, usprymaju kvateru jak svajo hniazdo. Tamu ciažka puskać siudy čužych ludziej.
Rašeńnie zdavać kvateru na sutki Ina nazyvaje darosłym. Abrali mienavita taki varyjant pa vidavočnaj pryčynie: Hrodna — turystyčny horad, dzie nie chapaje arendnych kvater i hatelaŭ, u siezon popyt značna pieravyšaje prapanovu.
Zdavać kvateru Ina pačała sioleta z 9 žniŭnia — zabraniravanymi akazalisia 16 načej. Žančyna pryznajecca, što byli prastoi, bo jana tolki pačała zajmacca arendaj i nie vielmi viedała, jak i dzie rekłamavacca.
Ale ŭsio roŭna dachod u pieršy miesiac tak šakavaŭ žančynu, što ŭsie sumnievy źnikli. Jana atrymała bolš za 2700 rubloŭ. Hetaha chapiła, kab całkam zakryć usie kredyty, plus i źvierchu prybytak zastaŭsia.
Niechta z kamientataraŭ piša, što nie staŭ by napružvacca dziela takoj sumy. Ale Ina ličyć, što heta davoli niebłahija hrošy.
28-hadovaja biełaruska kuplaje ŭžo piatuju kvateru dla zdačy ŭ arendu — pryčym u roznych haradach i krainach
Siaredni košt arendy kvatery ŭ Minsku pavialičyŭsia na 10-15%
Dziaŭčyna chacieła arandavać u Minsku stylnuju dvuchpakajoŭku za $380, ale zapadozryła niadobraje
Jakoje žyllo kupić, kab jano prynosiła dachod — ekśpiert daje parady
Kamientary