U Niepale admianili zabaronu na sacsietki paśla masavych pratestaŭ zumieraŭ, u chodzie jakich zahinuli 19 čałaviek
Ułady krainy adklikali błakiroŭku bolš za 20 sacyjalnych sietak i miesiendžaraŭ praz sutki paśla taho, jak pa krainie prakacilisia masavyja pratesty, paviedamlaje Reuters sa spasyłkaj na pradstaŭnika kabinieta ministraŭ krainy.
U chodzie demanstracyj zahinuli 19 čałaviek, bolš za 100 udzielnikaŭ šeściaŭ atrymali ranieńni.
Ludzi patrabavali ad uładaŭ admieny błakiroŭki sacsietak i ŭzmacnieńnia baraćby z karupcyjaj. Pieravažnuju bolšaść udzielnikaŭ pratestaŭ składali ludzi pakaleńnia Z (da jaho adnosiać tych, chto naradziŭsia z 1995 pa 2012 hod).
Rašeńnie ab błakiroŭcy sacsietak i miesiendžaraŭ ułady Niepała pryniali ŭ pačatku vieraśnia. Pad zabaronu trapili, u tym liku, Facebook, Instagram, WhatsApp, YouTube.
Raniej urad zajaŭlaŭ, što sacyjalnyja płatformy treba rehulavać, kab zmahacca z fejkavymi navinami, movaj varožaści i internet-machlarstvam.
Ale takija papularnyja płatformy, jak Instagram, majuć miljony karystalnikaŭ u Niepale. Heta krynicy navin, a taksama važnyja dla biznesu.
Tysiačy maładych ludziej u paniadziełak uvarvalisia ŭ parłamient u stalicy Katmandu, demanstranty nieśli płakaty z łozunhami, u tym liku «chopić» i «kaniec karupcyi», paviedamlaje Bi-bi-si.
Niekatoryja kazali, što jany pratestavali suprać taho, što nazyvali aŭtarytarnymi pavodzinami ŭrada. Jak minimum 19 čałaviek byli zabityja i dziasiatki paranienyja padčas sutyknieńniaŭ pamiž pratestoŭcami i siłami biaśpieki, jakija vykarystoŭvali vadamioty, dubinki i stralali humovymi kulami.
Ciapier čytajuć
Zatrymany ŭ Polščy biełaruski taksist-špijon byŭ siabram «Paspalitaha rušeńnia»14
Zatrymany ŭ Polščy biełaruski taksist-špijon byŭ siabram «Paspalitaha rušeńnia»
Rasijskija i łukašenkaŭskija śpiecsłužby na fonie zalotu dronaŭ u Polšču praviali infaataku. Jaje zładžanaść daje padstavy dumać, što zalot byŭ spłanavany1414
Kamientary
strielať, ubivať, priessovať, iźbivať - eto vsie, čto oni umiejut.
pri tom, čto vsie-ravno etu dikosť otmienili.. no 19 čiełoviek pohibli. a kakoj-to urod v pohonach budiet žiť dalšie.