Rasijski łaŭkostar «Pabieda» abnaviŭ patrabavańni da pravozu ručnoha bahažu ŭ samalotach. Jak adznačyli ŭ pres-słužbie avijakampanii, ciapier maksimalnaja vaha bahažu nie rehłamientujecca, a dapuščalnyja pamiery asobnych jaho vidaŭ pavialičany.
Pavodle novych praviłaŭ, asnoŭnaje miesca ručnoj pakłažy, jak i raniej, pavinna źmiaščacca ŭ śpiecyjalny kalibratar pamieram 36×30×27 sm. Heta pryłada ŭ vyhladzie skryni ź viečkam dapamahaje vyznačyć, ci pieravyšaje bahaž dapuščalny pamier. Adnačasova z hetym abmiežavańni pa vazie źniali, a habaryty adnaho miesca pavialičyli z raniejšych 4×36×30 da 15×36×30 sm.
Zaraz pasažyry mohuć brać z saboj usio, što źmiaščajecca ŭ kalibratar. Naprykład, abo adno miesca ručnoj pakłažy da 15×36×30 sm i dadatkovy pradmiet, naprykład, zaplečnik pamieram da 12×36×30 sm, abo žanočuju torbu, partfiel, ci inšyja rečy ŭ tym vypadku, kali jany całkam źmiaščajucca ŭ pryładu.
Akramia taho, u łaŭkostary pašyryli śpis pradmietaŭ, jakija možna brać u sałon zvyš ručnoj pakłažy. U pieralik dadali noŭtbuk u miakkim čachle, parason-trość, bukiet kvietak, vierchniuju vopratku, dziciačaje charčavańnie i leki, a taksama techničnyja srodki pieramiaščeńnia — u tym liku składanyja invalidnyja vazki, mylicy i chadunki. Pry hetym biez dadatkovaj apłaty.
Taksama na bort možna pranosić tavary z duty free, kali jany zapakavanyja ŭ zapiačatany firmovy pakiet.
Avijakampanija «Pabieda» raniej adnaviła rejsy ŭ Minsk z Sankt-Pieciarburha i Maskvy. Paloty vykonvajucca štodzionna.
Žurnalist Mancevič, błohiery Kazłoŭ i Vinahradaŭ, palityk Kučuk. paplečniki Aŭtuchoviča i Statkieviča. Chto jašče z palitviaźniaŭ vyzvaliŭsia siońnia?22
Kamientary