Były palitviazień Kryłoŭ paprasiŭ nie zabyvać pra palitźniavolenych ksiandzoŭ: ich šmat u kałonijach!
62-hadovy Andrej Kryłoŭ źviarnuŭsia da Vatykana z napaminam pra źniavolenych śviataroŭ.
«U nas jość palitźniavolenyja, jakija niejak adzinaj halinkaj prachodziać, pra ich nie padymajuć [pytańnie] — heta ksiandzy. Tam šmat ksiandzoŭ siadzić. Treba ŭ Vatykan źviartacca. Niejak Katalickaja carkva pryraŭnavanaja da polskaj carkvy, i tamu nahruzka na ksiandzoŭ mocnaja kładziecca».
Sam jon pierasiakaŭsia ŭ kałonii z ksiandzami Hienrycham Akałatovičam z Vałožyna i Andrejem Juchnievičam z Šumilina.
Andrej Kryłoŭ — inžynier techničnaha nahladu z Vaŭkavyska.
U 2020 hodzie suprać jaho zaviali kryminalnuju spravu pavodle art. 293 Kryminalnaha kodeksa (arhanizacyja masavych biesparadkaŭ). Pavodle abvinavačańnia, jon nibyta zaklikaŭ da ŭdziełu ŭ masavych biesparadkach praz paviedamleńnie ŭ telehram-čacie «Banda Łuki» 15 listapada 2020 hoda.
Na sudzie Kryłoŭ svaju vinu całkam admaŭlaŭ. Tym nie mienš, 2 vieraśnia 2021 hoda sudździa Mikałaj Tałaška asudziŭ jaho na 5 hadoŭ pazbaŭleńnia voli ŭ kałonii ŭzmocnienaha režymu.
Finalistak konkursu «Mis Biełaruś — 2025» vyvieli na scenu ŭ kaściumach z cytatami Łukašenki19
Kamientary