U Minsku pa kryminalnaj spravie zatrymali mieniedžara pradpryjemstva žyllova-kamunalnaj haspadarki, paviedamlaje Hienieralnaja prakuratura.
Pavodle śledstva, abvinavačany nieadnarazova atrymlivaŭ ad pradstaŭnika pryvatnaha biźniesu hrošy — jon atrymaŭ 40 tys. biełaruskich rubloŭ i 21 tys. dołaraŭ ZŠA.
Srodki pieradavalisia za łajalnyja adnosiny pry pryjomcy rabot, vykananych pryvatnym subjektam haspadarańnia na abjektach kapitalnaha budaŭnictva, a taksama za pieršačarhovy raźlik za vykananyja raboty.
Jak piša prakuratura, zatrymany pry atrymańni chabaraŭ vyjaŭlaŭ aściarožnaść i vynachodlivaść. Naprykład, suma ŭ 21 tys. dołaraŭ ZŠA pa jaho ŭkazańni pieradavałasia praz schovanku, raźmieščanuju ŭ tualecie ofisnaha pamiaškańnia.
Zaviedziena kryminalnaja sprava.
Kamientary