Ukraina na pieramovach z ZŠA adchiliła try klučavyja patrabavańni «mirnaha płana»
Telekanał CNN paviedamlaje, što, choć prezident ZŠA Donald Tramp havoryć pra prahrec u pieramovach adnosna zakančeńnia vajny, Ukraina adchiliła try klučavyja punkty prapanavanaha Vašynhtonam «mirnaha płana».
Sa spasyłkaj na vysokapastaŭlenuju ŭkrainskuju krynicu, CNN śćviardžaje, što Kijeŭ nie zhodny:
- pieradavać Rasii terytoryi Danbasa, jakija nie znachodziacca pad akupacyjaj;
- skaračać svaju armiju da 600 tysiač čałaviek;
- admaŭlacca ad mahčymaści dałučeńnia da NATA.
Krynica adznačyła, što havaryć pra hatovuju i prymalnuju dla Ukrainy viersiju płana pakul nielha. ZŠA nibyta prapanoŭvali zrabić častku Danbasa demilitaryzavanaj zonaj pad kantrolem Rasii, adnak terytaryjalnyja pytańni zastajucca niaŭzhodnienymi. Kijeŭ ža dabivajecca źmiakčeńnia abmiežavańnia pa kolkaści vojska i śćviardžaje, što admova ad NATA stvaryła b niebiaśpiečny prykład rasijskaha ŭpłyvu na aljans.
CNN adznačaje, što ŭsie try sprečnyja punkty supadajuć z patrabavańniami Maskvy adnosna zaviaršeńnia vajny.
Na minułym tydni stała viadoma, što ŭ administracyi Trampa padrychtavali svoj «mirny płan» pa Ukrainie. Pieršapačatkova ŭ im było 28 punktaŭ, jakija prezientavaŭ Kijevu ministr armii ZŠA Den Dryskał. Paśla abmierkavańnia ŭ Ženievie dakumient nibyta skaracili, pa słovach Danalda Trampa, da 22 punktaŭ, choć ŚMI raniej paviedamlali pra 19.
Jak śćviardžajuć krynicy Reuters, amierykanskaja inicyjatyva hruntavałasia na prapanovach Rasii, jakija taja pieradała Vašynhtonu ŭ kastryčniku. U Maskvie sfarmulavali svaje ŭmovy mirnaha ŭrehulavańnia, jakija Ukraina ŭžo raniej adkidała. Pavodle apublikavanaj rasšyfroŭki razmovy pamiž rasijskimi čynoŭnikami Juryjem Ušakovym i Kiryłam Dźmitryjevym, rasijski bok pieradaŭ amierykancam svaju viersiju płana, kab ZŠA mahli prapanavać jaho jak ułasny.
Ušakoŭ pra publikacyju svaich razmovaŭ: «Heta ŭsio vielmi niezvyčajna!..»
Poŭnaja rasšyfroŭka źlitych pieramoŭ śpiecpradstaŭnika prezidenta ZŠA Styva Uitkafa i pradstaŭnikoŭ Pucina Dźmitryjeva i Ušakova
Apublikavana šakujučaja prasłuchoŭka pieramoŭ śpiecpradstaŭnika Trampa i pamočnikaŭ Pucina. Što tam?
Čamu Łukašenka hetyja dni zły jak čort?
Ciapier čytajuć
U biełaruskija pašparty i dazvoły na žycharstva buduć upisvać hrupu kryvi8
Kamientary
Čamu i nie, kožny bok maje prava praciahvać vajnu, pahladzim jak na hetuju admovu adreahuje ZŠA.
U NATA Ukrainu pryjmuć abaviazkova, kali jana vykanaje ŭsie ŭmovy dy kryteryi, ŭ tym liku - najaŭnaść hramadzianskaha kantrolu za siłavymi strukturami. Bo heta budzie vyhadnym dla ŭsich krain-členaŭ.
NATA - abarončy sajuz, a nie napadalny, i Rasieja jak nie-člen NATA nia moža stavić žodnych vymoh da kalektyŭnych rašeńniaŭ adnosna pryjomu ŭ členy, kali datrymana Statutnyja pracedury dy kryteryi.