U Rasii zajavili, što nie pojduć ni na jakija pryncypovyja sastupki va ŭkrainskim pytańni
Vystupajučy 26 listapada na pres-kanfierencyi, namieśnik ministra zamiežnych spraŭ Rasii Siarhiej Rabkoŭ zajaviŭ pra niemahčymaść jakich-niebudź sastupak pa pryncypovych dla Rasii aśpiektach urehulavańnia ŭkrainskaha kanfliktu.
«Ni pra jakija sastupki, ni pra jakuju zdaču našych padychodaŭ da klučavych momantaŭ raźviazańnia zadač, jakija stajać pierad nami, nie moža być havorki», — padkreśliŭ Siarhiej Rabkoŭ.
Taksama jon adznačyŭ, što roznyja elemienty tak zvanaha Ankorydža sami pa sabie ŭžo ŭjaŭlajuć kampramisnyja rašeńni, pra što raniej kazaŭ prezident Rasii Uładzimir Pucin.
«Heta voś taja baza, pa jakoj my budziem źviaracca, kali vyvučym i praciahniem abmierkavańnie viersii, jakaja ciapier na stale abo budzie na stale», — zajaviŭ Rabkoŭ.
Pry hetym jon dadaŭ:
«My nie hatovyja abmiarkoŭvać niekatoryja detali taho, što adbyvajecca, u tym liku roznyja viersii hetaha «mirnaha płana» publična. Urešcie, nieabchodnyja čas i ŭvaha dla taho, kab praciahnuŭsia praces dyjałohu».
Ukraina na pieramovach z ZŠA adchiliła try klučavyja patrabavańni «mirnaha płana»
Łukašenka prapanavaŭ Pucinu pravieści pieramovy pa Ukrainie ŭ Minsku
Poŭnaja rasšyfroŭka źlitych pieramoŭ śpiecpradstaŭnika prezidenta ZŠA Styva Uitkafa i pradstaŭnikoŭ Pucina Dźmitryjeva i Ušakova
Tramp: Płan pa Ukrainie skaraciŭsia z 28 da 22 punktaŭ
Apublikavana šakujučaja prasłuchoŭka pieramoŭ śpiecpradstaŭnika Trampa i pamočnikaŭ Pucina. Što tam?
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj14
Kamientary