Nad minskim rynkam «Lebiadziny» pabudujuć 380‑mietrovy puciepravod
Dyrektar «Minskinžprajekta» Alaksiej Havarko raskazaŭ, što prosta nad rynkam «Lebiadziny» buduć budavać darožny abjekt, piša BiełTA.
«My miarkujem, što heta budzie 380‑mietrovaje pralotnaje zbudavańnie z žalezabietonnych zbornych kanstrukcyj, to-bok heta budzie davoli chutka. Paśla zaviaršeńnia ŭźviadzieńnia rabotniki rynku zmohuć viarnucca na svaje miescy. Puciepravod budzie ŭ ich nad hałavoj», — adznačyŭ Alaksiej Havarko.
Jon dadaŭ, što budaŭniki nie buduć «pierakopvać rynak upopapierak i rabić dźvie zony», a taksama ŭdakładniŭ, što padobnaje zbudavańnie dla hetaha rajona — nieabchodnaść.
«Puciepravod budujecca dla taho, kab zabiaśpiečyć bolš nadziejny transpartny patok dla ludziej, jakija ranicaj ci viečaram vyjazdžajuć abo zajazdžajuć z Frunzienskaha rajona na Minskuju kalcavuju darohu. U ich źjavicca bolš chutki maršrut ruchu», — udakładniŭ Havarko.
Kamientary