Salda prapanavaŭ Łukašenku častku ŭźbiarežža ŭ Chiersonskaj vobłaści
Chiersonskaja vobłaść moža vydzielić Biełarusi častku ŭźbiarežža dla budaŭnictva sanatoryjaŭ. Ab hetym zajaviŭ kiraŭnik akupacyjnaj administracyi Chiersonskaj vobłaści Uładzimir Salda paśla sustrečy z Alaksandram Łukašenkam.
«U Chiersonskaj vobłaści jość uźbiarežžy dvuch moraŭ — Azoŭskaha i Čornaha. Heta cudoŭnyja miescy dla adpačynku — zapaviedniki, termalnyja krynicy, — skazaŭ Uładzimir Salda. — My havaryli pra adnaŭleńnie ŭsioj hetaj sistemy adpačynku, sanatorna-kurortnaha lačeńnia».
Pavodle jaho słoŭ, Chiersonskaja vobłaść hatova vydzielić biełarusam miescy dla adpačynku. «Navat havaryli [pra takuju] mahčymaść: pieradadzim častku ŭźbiarežža, kab Biełaruś tam pabudavała svaje bazy, sanatoryi, jakija buduć karysnyja žycharam Biełarusi», — dadaŭ jon.
Havoračy ab inšych napramkach supracoŭnictva ź Biełaruśsiu, Uładzimir Salda adznačyŭ, što Chiersonskaja vobłaść słavicca pradukcyjaj sielskaj haspadarki.
«Heta vyraščanaja na paŭdniovych ziemlach aharodnina, sadavina, taksama viadomaja na ŭsioj vialikaj prastory byłoha Savieckaha Sajuza. Heta pamidory, kavuny, dyni, piersiki, inžyr i ŭsio, što raście ŭ našych paŭdniovych krajach», — skazaŭ kiraŭnik akupacyjnaj administracyi.
«Napieradzie ŭ nas vialiki abjom pracy. My ŭsialak budziem spryjać raźvićciu Chiersonskaj vobłaści», — skazaŭ Łukašenka na sustrečy.
Calda dadaŭ, što ŭ Biełarusi jon nie adčuvaje siabie jak hość: «Ja pryjechaŭ uvohule da svaich siabroŭ».
Łukašenka adkazaŭ kiraŭniku akupacyjnaj administracyi, što Biełaruś — «heta jaho ziamla», jak i Ukraina — łukašenkaŭskaja.
«A vy i nie hość. My z vami savieckija ludzi, šmat pracavali ŭ adzinaj dziaržavie. Heta vaša ziamla tak, jak Ukraina i Chiersonskaja vobłaść taksama maja ziamla», — skazaŭ Alaksandr Łukašenka.
Raniej Łukašenka ŭžo sustrakaŭsia z kiraŭnikom «DNR» Dzianisam Pušylinym.
-
Rasijanina zatrymali na miažy Biełarusi ź Litvoj z hruzam vintažnaha posudu
-
Ihar Marzaluk na ideałahičnym mierapryjemstvie ŭpadaŭ u ekstaz ad abłasnych karavajaŭ VIDEA
-
«Pravasłaŭnyja cerkvy ŭ Zachodniaj Biełarusi zakryvalisia». A kolki ž było cerkvaŭ u BSSR i kolki — u Zachodniaj Biełarusi pa stanie na 1939 hod?
«Kałaŭra my nie pakryŭdzili»: stała viadoma pra novaje miesca pracy byłoha staršyni Nacbanka3
Kamientary