«Kibierpartyzany» raskazali, jak vyličvajuć ludziej pa «spravie Hajuna»

Siłaviki vykarystoŭvajuć kompleksny padychod — nie adzin mietad, a spałučeńnie roznych pryjomaŭ.

Tamu niama nivodnaha sposabu, jaki harantavana dapamoža zachavać ananimnaść, jość tolki takija, jakija mohuć u bolšaj ci mienšaj stupieni źmienšyć vierahodnaść vyličvańnia.

«Kibierpartyzany» rajać vydalać akaŭnt u Telegram, asabliva tym ludziam, jakija znachodziacca ŭnutry krainy i raniej pisali ŭ bot. Heta robicca, kab nie pakidać u pryładach lišnich «začepak». Adnak heta vydaleńnie nie daje stopracentnaj harantyi: možna vyličvać ludziej i pa inšych krynicach, uklučna z danymi, atrymanymi z kanfiskavanaj techniki abo baz typu «Majak», źviazanych z vyškami mabilnaj suviazi.

U najbolšaj hrupie ryzyki znachodziacca ludzi, jakija:

• Sami ŭ paviedamleńniach nazvali identyfikacyjnyja źviestki pra siabie (imia, nasieleny punkt, miesca pracy i h. d.);
• Mieli nieananimnyja akaŭnty ŭ Telegram (z sapraŭdnymi asabistymi źviestkami, fota ci adkrytym numaram);
• Vykarystoŭvali ŭnikalnyja niki, jakija supadajuć ź nikami ŭ inšych sacsietkach;
• Kali kaliści akaŭnt byŭ nieananimnym abo jaho ŭładalnik byŭ u adkrytych čatach, adkul bot pa deanonu moh ekspartavać danyja;
• Znajšlisia praz suviazi z užo zatrymanymi — pry ahladzie pryład u zatrymanych mohuć znajści ID inšych karystalnikaŭ.

Kali čałaviek nie ŭvachodzić u vyšejadznačanyja hrupy, to siłaviki pačynajuć vykarystoŭvać analityku z roznych krynic. Heta zaležyć ad taho, što i jak čałaviek paviedamlaŭ u bot: datu, miesca, dadatkovyja źviestki. Pryncypy pracy tut takija:

• Analiz častot i supadzieńniaŭ: kali čałaviek pasłaŭ paviedamleńni pra dva davoli addalenyja miescy ŭ roznyja časy, to pa bazie vyšak mabilnaj suviazi («Majak») možna zvuzić koła abanientaŭ da nievialikaj vybarki i časta da adnaho numara;
• Čym bolš dakładnyja i kankretnyja byli paznačanyja miesca i čas — tym lahčej źmienšyć vybarku;
• Naadvarot, kali miescy vielmi šmatludnyja (naprykład, centry bujnych haradoŭ) abo kali čałaviek znachodziŭsia pastajanna ŭ adnym i tym ža ludnym rajonie, vyłučyć kankretnaha abanienta značna ciažej;
• Taksama praviarajuć fajły: ci jość u fotazdymkach/videa mietadanyja z kaardynatami abo ci možna vyznačyć miesca pa źmieście kadra. Atrymanyja fajły mohuć ekspartavać i analizavać.
• Kali pa časie i miescy možna supastavić čas zdymki, to prahladajuć videakadry z vuličnych kamier — kali čałaviek vidavočna byŭ zafiksavany, jaho mohuć paznać abo prasačyć da doma/pracy. Adzinaha takoha kadra moža być dastatkova, kali bačny tvar i dalej možna prasunucca pa łancužku kadraŭ.

«Kibierpartyzany» padkreślivajuć, što nichto nie moža być upeŭnienym, ci jość pa ich «začepki»: ci niama ich Telegram-ID u niejkaj bazie; ci nie fiksavali ich aŭto abo tvar na kamierach; kolki ludziej było ŭ tym ža samym miescy ŭ patrebny čas. U vyniku navat ludzi, jakija ličyli siabie nadziejna abaronienymi, mohuć apynucca ŭ zonie ryzyki ŭ zaležnaści ad kambinacyi danych.

• 3
• 0
• 0
• 0
• 0
• 1
• 2
• 0