«Milicejskaja dziaržava». Prarasijskaja aktyvistka Mirsalimava skardzicca, što milicyja nie pakidaje jaje ŭ spakoi
Paśla traplańnia ŭ pole zroku milicyi čałaviek u Biełarusi sutykajecca z pastajannym ciskam: biaskoncyja vykliki ŭ milicyju, zvanki, «prafiłaktyčnyja» hutarki, kanstatuje ŭ telehramie ruskamirnaja aktyvistka ź Viciebska Elvira Mirsalimava.
«Kali vas tut «uziali na ałovak» u milicyi, to vas užo nie pakinuć u spakoi. Vam buduć pastajanna zvanić, zaprašać na «biasiedy», pastajanna trymać u napružańni», — piša jana.
Siońnia jaje znoŭ vyklikali z nahody byłoha parušeńnia.
«Znoŭ chočuć sa mnoj «pabiasiedavać». Mianie kožny raz vyklikajuć u roznyja ŭčastki, kožny raz udakładniajuć adras, i kožny raz jon akazvajecca niapravilnym. Adzinaj bazy ŭ ich, vidać, niama», — piša žančyna.
Svoj dopis jana azahałoviła «Milicejskaja dziaržava».
U sakaviku 2024 hoda Elviru Mirsalimavu sudzili pa dvuch artykułach: prapahanda nacysckaj simvoliki (častka 1 artykuła 19.10 KaAP) i parušeńnie paradku arhanizacyi masavych mierapryjemstvaŭ (častka 1 artykuła 24.23 KaAP). Pa pieršym artykule Mirsalimava praviała dva dni ŭ izalatary. Aktyvistka reposnuła publikacyju Z-błohiera Uładlena Tatarskaha. Šlacham častkovaha składańnia prysudaŭ sud aštrafavaŭ aktyvistku na 2600 rubloŭ.
«Źmiei paśladoŭna ŭcirajucca ŭ davier». Azaronak nie pakinuŭ kamienia na kamni ad znakavych prarasijskich aktyvistaŭ
Mirsalimava nazvała Umku «sabakam, jaki rochkaje ŭ kadry» i «prynižaje pramoŭlenyja Pucinym słovy i sensy»
Ruskamirnaja aktyvistka Elvira Mirsalimava vinavacić viciebskija ŭłady ŭ «zmaharstvie»
Prarasijskaja aktyvistka Mirsalimava aburyłasia, što siłaviki dapytali jaje dačku
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam25
Kamientary