«U Biełarusi ja pazbaŭleny elemientarnych pravoŭ». Były žurnalist łukašenkaŭskaha puła Dźmitryj Siemčanka vyjechaŭ z krainy
Były žurnalist ANT Dźmitryj Siemčanka, jaki ŭ žniŭni 2020 hodzie zvolniŭsia z pracy ŭ znak pratestu, a paśla byŭ aryštavany i asudžany na try hady źniavoleńnia, paviedamiŭ u fejsbuku, što razam ź siamjoj vyjechaŭ ź Biełarusi ŭ Polšču.
Z kałonii №22 «Vaŭčynyja nory» pad Ivacevičami Dźmitryj Siemčanka vyzvaliŭsia 12 lipienia, całkam adbyŭšy trochhadovy termin. Jak i mnohija inšyja palitviaźni, jon nie chacieŭ paśla vyzvaleńnia vyjazdžać ź Biełarusi, ale ŭsio ž byŭ vymušany pryniać takoje rašeńnie:
«Z Vaŭčynych nor ja vyjšaŭ z voŭčym biletam (hučyć nadziva łahična dla XXI stahodździa). U Biełarusi na hety čas ja pazbaŭleny elemientarnych pravoŭ. Nie mahu navat atrymać sim-kartu, zastrachavacca ci adkryć bankaŭski rachunak. Maŭču ŭžo pra mahčymaść viarnucca da PR-śfiery i markietynhu, jakimi zajmaŭsia da aryštu», — piša Siemčanka.
Ciapier jon «pačynaje ŭsio z nula ŭ Varšavie», što da Biełarusi, to «my jaje nikoli nie pakiniem, bo, jak kazaŭ naš kłasik: «Kožny čałaviek nosić svajo nieba z saboj».
Dźmitryj Siemčanka byŭ zatrymany ŭ vieraśni 2023 hoda razam z žonkaj Julijaj. Jaje aštrafavali, a jon paŭtara miesiaca adsiedzieŭ na Akreścina pa administratyŭkach, paśla čaho na jaho zaviali kryminalnuju spravu.
Sudździa Minskaha haradskoha suda Jaŭhien Pisarevič pakaraŭ Siemčanku tryma hadami kałonii za «raspalvańnie varožaści». «Farmavaŭ u hramadskaści varožaść i nianaviść da supracoŭnikaŭ pravaachoŭnych orhanaŭ, vajennasłužačych i pradstaŭnikoŭ ułady» — havaryłasia ŭ abvinavačvańni.
Na momant aryštu Siemčanka byŭ pijar-mieniedžaram kampanii «Biełahra», jakaja zajmałasia prodažami biełaruskaj sielhastechniki i zapčastak.
Adnak najbolšuju viadomaść jon zajmieŭ jak žurnalist ANT, na jakim pracavaŭ z 2009 hoda. Siemčanka byŭ palityčnym ahladalnikam z puła Alaksandra Łukašenki, byŭ łaŭreatam «Televiaršyni».
U žniŭni 2020 hodzie ŭ znak pratestu suprać žorstkich razhonaŭ mirnych akcyj jon zvolniŭsia. U vieraśni 2020 hoda byŭ pakarany 15 sutkami za ŭdzieł u maršach.
Vyjšaŭ na svabodu były top-žurnalist ANT Dźmitryj Siemčanka
«Niama telefonaŭ, spatkańniaŭ z taboj, i, naturalna, vaj-faju». Były žurnalist z prezidenckaha puła ŭ kałonii vučycca na zvarščyka
Padtrymaŭ prapanovu zrabić žyvy efir z Akreścina. Kalehi pra asudžanaha žurnalista ANT Dźmitryja Siemčanku
Dźmitryj Siemčanka. Try kroki da dźviarej. Vierš
Ciapier čytajuć
Ejsmant: Łukašenka nie zmoža palacieć na Samit miru ŭ ZŠA, bo pavietranaja prastora Jeŭropy dla jaho zakrytaja46
Kamientary