U tusovačnym dvoryku Hrodna adkryłasia ŭstanova z rukapisnym mieniu
Ustanova «Dvoryk» adkryłasia ŭ tusovačnym dvoryku — dzie znachodzicca kaviarnia «Džezva». Fiška ŭstanovy ŭ mieniu, napisanym ad ruki, piša Hrodna.Life.
Ustanova adkryłasia na vuł. Savieckaj, 5. Jaje interjer błohiery z zatestil_grodno nazyvajuć «dosyć prościeńkim». Va ŭstanovie kala 12 miescaŭ, draŭlanyja stały i bar z padśvietkaj.
Charakternaje mieniu — jano napisana ad ruki, što vyklikała sprečki ŭ tyktoku.
«U Italii heta ličycca najlepšym kafe: značyć, mieniu mianiajuć u zaležnaści ad praduktaŭ, jakija byli samyja śviežyja na rynku», — adkazvajuć kamientatary.
U mieniu jość butelkavyja napoi i kaktejli. Ź ježy čabureki — jałavičyna, śvinina, kuryca, pica i bulon. Čaburek kaštuje 4,5 rubloŭ, pica — 28−33 rubli, bulon — 3−3,5 rubloŭ. «Darahavata, darečy», — adznačajuć błohiery.
«Čaburek vielmi haračy. Davajcie kaštavać. Miasa vielmi nasyčanaje. Jon sakavity», — pakinuła vodhuk dziaŭčyna.
Kamientary