Łatvija padoŭžyła zakryćcio pavietranaj prastory na miažy ź Biełaruśsiu
Łatvija padoŭžyła zabaronu na vykarystańnie pavietranaj prastory ŭzdoŭž uschodniaj miažy ź Biełaruśsiu i Rasijaj jašče na try tydni — da 8 kastryčnika. Abmiežavańni dziejničajuć tolki ŭnačy — z 20:00 da 07:00, paviedamiła Ministerstva abarony krainy.
Pa słovach ministra abarony Łatvii Andrysa Sprudsa, hetaja miera dazvalaje nacyjanalnym uzbrojenym siłam kantralavać zakrytuju zonu, vypraboŭvać sistemy nazirańnia za pavietranaj prastoraj, pravodzić vučeńni z dronami i supraćdronavyja treniroŭki, a taksama rychtavać mabilnyja bajavyja padraździaleńni. Najbolšaja ryzyka, adznačyŭ jon, isnuje mienavita ŭ ciomny čas sutak.
Abmiežavańni na paloty ŭ hetym rehijonie Łatvija ŭviała 11 vieraśnia, pieršapačatkova na tydzień — da 18 vieraśnia. U toj ža dzień Polšča taksama ŭstanaviła biespalotnuju zonu ŭzdoŭž miažy ź Biełaruśsiu i Ukrainaj, jakaja budzie dziejničać da pačatku śniežnia.
Kamientary