Amierykanskuju śpiavačku, jakaja padtrymlivaje ŁHBT, u apošni momant źniali z rasijskaha konkursa «Interbačańnie»
Amierykanskaja śpiavačka Vassy (Vasiliki Karahiorhas), jakaja pavinna była zamianić na «Interbačańni» inšaha muzyku z ZŠA, nie budzie ŭdzielničać u konkursie z-za «niepradbačanaj situacyi», piša vydańnie «Viorstka».
«Na žal, praź niepradbačanuju nadzvyčajnuju situacyju mnie daviałosia admovicca ad udziełu i źjechać. Mnie vielmi škada, što ja prapušču hety asablivy momant», — adkazała artystka ŭ paviedamleńniach u instahramie.
Raniej śpiavak i błohier Ramin Abdułajeŭ sa spasyłkaj na krynicy na placoŭcy zajaviŭ, što Vassy «dyskvalifikavali ŭ apošni momant».
Paźniej arhanizatary «Interbačańnia» abviaścili, što Vassy nie voźmie ŭdzieł u konkursie «pa niezaležnych ad delehacyi ZŠA pryčynach, vyklikanym biesprecedentnym palityčnym ciskam z boku ŭrada Aŭstralii» (u śpiavački jość hramadzianstva hetaj krainy).
Vassy raskazvała, što stała pasłom Noh8 Campaign — dabračynnaj arhanizacyi, jakaja vystupaje za prasoŭvańnie kvir-šlubaŭ i hiendarnaj roŭnaści. Raniej infarmacyja pra heta była vydalenaja sa staronki Vassy ŭ «Vikipiedyi», a ciapier, jak zaŭvažyła «Viorstka», adpaviedny abzac znoŭ źjaviŭsia na staroncy śpiavački.
18 vieraśnia stała viadoma, što amierykanski śpiavak Brendan Chovard, pieršapačatkova zajaŭleny ad ZŠA, nie zmoža ŭdzielničać u «Interbačańni» praź niepradbačanyja siamiejnyja abstaviny. Jaho miesca na konkursie akurat i pavinna była zaniać Vassy.
Konkurs «Interbačańnie» prachodzić u Maskvie ŭviečary 20 vieraśnia. Jaho praviadzieńnie inicyjavana Kramlom, a pazicyjanujecca konkurs jak alternatyva «Jeŭrabačańniu», ad udziełu ŭ jakim Rasija adchilenaja ŭ 2022 hodzie, a Biełaruś — jašče na hod raniej.
Udzielnik «Interbačańnia» ad ZŠA saskočyŭ za try dni da pačatku
«Interbačańnie»: jak projdzie rasijskaja alternatyva «Jeŭrabačańniu»
«Interbačańnie» imituje svaju papularnaść: masoŭku pieraapranuli ŭ hledačoŭ-zamiežnikaŭ, na biełarusku naciahnuli kakošnik
Łaŭroŭ: «Interbačańnie» ŭ Maskvie projdzie biez vyčvarenstvaŭ
U Rasii adnaŭlajuć muzyčny konkurs časoŭ brežnieŭskaha zastoju
Ciapier čytajuć
Jamu vybili čatyry zuby, a paśla vykinuli z krainy. Ciapier byłoha palitviaźnia aryštavali ŭ Łatvii z šaściu mihrantami ŭ mašynie13
Kamientary