Na vulicy Karła Marksa ŭ Minsku pradajuć jarkuju stalinku. Kvadrat kaštuje bolš za $4400
U trochpaviarchovym domie na šeść kvater na vulicy Karła Marksa pradajuć stalinku ź jarkim ramontam. U interjery abjadnali retra-styl i sučasnyja detali. U spalni jość ściana, dzie pakinuli histaryčnuju muravanku, a ŭ zale — ściana, dzie zachavali aŭtentyčnuju afarboŭku.
Kvatera raźmieščana na druhim paviersie trochpaviarchovaha doma na Karła Marksa, 9. Heta kala skryžavańnia vulic Marksa i Vaładarskaha, piša Realt.by.
Na pieršym paviersie ŭ hetym domie pracuje restaran Michel. U kvatery, jak i naležyć stalincy, trochmietrovyja stoli. Ahulnaja płošča — 55 mietraŭ, ź jakich 42 — žyłyja. Płošča kuchni — 7 kvadrataŭ. Usie pakoi, uklučajučy kuchniu, raździelnyja. U adnym abstalavanaja spalnia, u druhim — haścioŭnia. Pradaviec kaža, što paśla ramontu ŭ kvatery nichto nie žyŭ.
Padłoha z naturalnaj doški. Ścieny, u asnoŭnym, u niejtralnym kolery. Jarkija hłybokija kolery mebli, tekstylu i roznych elemientaŭ interjeru — na kantraście. Uvachodnyja dźviery siniaha koleru, lištvy i dźviarnyja adkosy — smarahdavyja.
Kuchnia adździelenaja ad haścinaj šklanoj pieraharodkaj. Kuchonnyja fasady vykananyja z naturalnaha dreva i pafarbavanyja ŭ čyrvona-malinavy koler.
Sanvuzieł sumieščany. Pastaŭlena vanna i padklučanaja pralnaja mašyna. Pry ramoncie zachavali akno pamiž sanvuzłom i kuchniaj.
U spalni staić łožak-kub z vuallu, dva kresły i šafa.
Kaštuje hetaja dvuchpakajovaja kvatera ŭ stalincy 244 999 dalaraŭ, mietr — 4 448 dalaraŭ.
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Kamientary