«Zasrany ŭvieś les, takoj kolkaści «min» nikoli nie bačyŭ». Spartyŭny kamientatar raskazaŭ, jak dva dni stajaŭ na łatvijska-biełaruskaj miažy
Za hety čas u Michaiła Harnaka paśpieli skončycca nie tolki dva litry vienhierskaha vina, ale i šenhienskaja viza.
Sioleta biełaruski spartyŭny kamientatar i błohier Michaił Harnak razam ź siamjoj adpačyvaŭ u Jeŭropie — naviedaŭ roznyja krainy, na mory spyniŭsia ŭ Hrecyi. Ale momant dla viartańnia na radzimu atrymaŭsia maksimalna niazručny: Polšča ŭžo paśpieła zakryć miažu ź Biełaruśsiu, a na łatvijskaj miažy ŭtvarylisia šalonyja čerhi.
Apošnim prypynkam u Jeŭropie dla Michaiła staŭ nievialiki vienhierski horad Takaj, viadomy svaimi vinami.
Daroha da samoj miažy ŭ siamji zaniała 18 hadzin. Ich aŭtobus u vyniku akazaŭsia 17‑m u čarzie, što nie vyklikała aptymizmu: pa nazirańniach mužčyny, na prajezd adnaho aŭtobusa ŭ siarednim prychodziłasia pryblizna 3‑4 hadziny.
Michaił žartavaŭ, što nie sumavać u takoj situacyi jamu dapamahała vienhierskaje vino, jakoje jon uziaŭ z saboj.
— Ahułam situacyja adstojnaja, bo niemahčyma pierasieści ŭ inšy aŭtobus, niejak pierajechać miažu.
Praz sutki ŭ čarzie Michaił raspavioŭ, što ad jaho ŭžo nie vielmi pryjemna pachnie, ale zuby ŭsio ž atrymałasia pačyścić. A asobnaja pobytavaja katastrofa ŭźnikła praz toje, što ŭ ludziej nie było mahčymaści naviedvać prybiralniu — tamu chadzili ŭsie prosta ŭ les.
— Les «zaminiravany» poŭnaściu. Voś klanusia, takoj kolkaści «min» nie bačyŭ nikoli ŭ žyćci. Zasrana litaralna ŭsio, prosta kožny santymietr. Kab prosta zajści ŭ les, patrebna poŭnaja kancentracyja. Situacyja patavaja.
Praz 32 hadziny na miažy Michaił raspavioŭ, što ŭ ich užo skončylisia šenhienskija vizy — pry hetym, pašparty ŭ siamji sabrali 16 hadzin tamu. To bok pra ideju pasprabavać pierasieści ŭ rejsavy aŭtobus možna było zabyć.
— A jašče prykolny momant: jany zapuścili patrulnuju mašynu ŭ les, kab haniać takich zasrancaŭ, jak ja.
Inšyja pasažyry taksama raskazvali, što tualetaŭ na miažy nie było, a paśla i ŭ les zabaranili chadzić, pamiežniki za heta pahražali štrafami.
U vyniku daroha damoŭ u Michaiła zaniała 68 hadzin. Na mašynie ad Takaja da Minska pryblizna 945 kiłamietraŭ.
Ciapier čytajuć
Mižnarodny kryminalny sud pačaŭ rasśledavańnie złačynstvaŭ, ździejśnienych režymam Łukašenki26
Kamientary
A kali surjozna, to što ž ludziam rabić u takim vypadku? Mahli b pa prostu pastavić niekalki "toj-tojaŭ"