Hramadstva66

Biełaruska raskazała, jak paśla zakryćcia miažy dabirałasia ŭ Polšču praz Kalininhrad

Paśla zakryćcia polska-biełaruskaha pamiežnaha pierachodu «Terespal» mnohija biełarusy stali šukać inšyja maršruty dla pajezdak u Polšču ci viartańnia ŭ Biełaruś. Adzin z takich maršrutaŭ — praz rasijski Kalininhrad. Biełaruska Alena skarystałasia im i padzialiłasia svaim dośviedam u videa, raskazaŭšy, nakolki heta było zručna i kolki kaštavali kvitki, piša BG.Media.

Aeraport u Kalininhradzie. Fota ilustracyjnaje

«Napeŭna, heta samy absurdny sposab pierasiačeńnia šenhienskaj miažy dla biełarusaŭ u 2025 hodzie. Ale niešta ŭ im usio ž jość!» — dzielicca biełaruska.

Navina pra zakryćcio adzinaha pamiežnaha punktu z Polščaj ździviła Alenu:

«Jak tolki palaki zakryli pamiežny pierachod z Brestam, ja ŭ toj ža dzień nabyvaju kvitki na samalot da Kalininhrada. U pieršy dzień abviestki pra zakryćcio polska-biełaruskaj miažy kvitki kaštavali jašče vielmi tanna. Na žal, ja brała ich tolki ŭ adzin bok. Padčas usiaho palotu ja dumała: «Ź Biełarusi praz Kalininhrad u Polšču… Vy surjozna?»».

@elena_misukevich Podrobnieje - v mojem instahram. #šienhien #hranicabiełaruśpolša #putiešiestvija ♬ orihinalnyj zvuk - Elena Misukevich Trip

Pry hetym žančyna adznačyła i plusy takoha šlachu:

«Jak minimum, heta było pryhoža, bo źvierchu možna było pabačyć Bałtyjskaje mora i znakamituju Kuršskuju kasu. Sieŭšy ŭ Kalininhradzie, ja adrazu ž brała taksi i jechała na aŭtavakzał. Tam kuplaju kvitok na samy bližejšy aŭtobus da Hdańska. Dobra, što chodziać jany časta. Košt takoha kvitka — €40».

«Praz 45 chvilin my apynulisia na miažy Mamonava — Hžechodki. I za paŭtary hadziny samym vietlivym čynam my prajšli miažu. I voś — vuala! My ŭžo ŭ Polščy. Kaniešnie, na miažy mnie davodziłasia tłumačyć, čamu ja laču ŭ Partuhaliju sa słavackaj vizaj. Ale ŭsio ž paśla abieda ja była ŭžo ŭ Hdańsku. Vyrašyła nikudy dalej nie lacieć imiem revalucyi i praviała cudoŭny viečar i ranicu ŭ Hdańsku», — padkreśliła Alena.

A što pra heta dumajuć inšyja biełarusy?

Mierkavańni padzialilisia: kali adnych taki maršrut zadavoliŭ praz tannyja ceny, dla inšych daroha praz Rasiju davoli niazručnaja z punktu hledžańnia łahistyki.

Adzin karystalnik spytaŭ aŭtarku videa, ci nie praściej jechać praź litoŭska-biełaruskuju miažu. Niekatoryja jaho padtrymali, a inšyja nie pahadzilisia:

«Ničoha padobnaha! Ciapier na miažy za padsadku ŭ Litvu biaruć pa €100—150 z RB da Vilni i nazad — i tolki da Vilni! U toj čas, jak kvitok ź Minska da Kalininhrada na samalot kaštuje 300—500 rubloŭ, i nie treba stajać pa dziesiać hadzin!»

«Ja tak užo lotała dva razy. Daroha tudy-nazad zajmaje try dni. Žyvu ŭ Hdańsku, heta samy chutki sposab. Praź Litvu jechać našmat daŭžej, a pa cenach vychodzić adnolkava».

Znajšlisia i tyja karystalniki, jakich ździviła, što miaža z Rasijaj adkrytaja, a ź Biełaruśsiu — zakrytaja:

«To bok z Rasijaj u ich miaža adkrytaja…»

«Vučeńni «Zachad 2025» jakraz aktyŭna prachodziać u Kalininhradskaj vobłaści. Da polskaj miažy — možna dajści pieššu. Ale palaki zakryvajuć pierachod z Brestam, ad jakoha da miesca vučeńniaŭ 300—400 km».

Kamientary6

  • Ušačanka
    20.09.2025
    Zakryvajuć nia prosta astatni pamiežny pierachod - zakryvajuć našu krainu. Zdajuć pad rašku. Daŭno i płanamierna.
  • Jeŝie chodit
    21.09.2025
    A pojezd Adler-Kalininhrad? Idiet čieriez Minsk. Kohda po Litvie - dvieri zakryty, no nužna šienhienskaja viza. Bystrieje , čiem samolet Estoniju obletit)))
  • Janka
    21.09.2025
    Čto, synku, pomohli tiebie tvoi lachi?, adkaz prosty:
    1.U čyj turmie siadzić Pačobut? Kolki ŭvohule polskich zakładnikaŭ u rasiejskich turmach?
    2.Praź jakuju miažu niaspynna jduć mihranckija ataki na Polšču?
    3.Na jakoj miažy zabili polskaha vajskoŭca?
    4.U jakoj krainie źniščyli mohiłki paŭstancaŭ armii Krajovaj, zahinułych u bajach suprać nacystaŭ?
    Ale hałoŭnaje toje, što pry ŭsioj svajoj militaryzavanaści Kalininhradskaja vobłaść ujaŭlaje z sabie našmat mienšuju pahrozu dla Jeŭropy z-za taho, što jana jość rasiejskim ekskłavam unutry NATA, jaki ŭvieś znachodzicca na mušcy, a ŭsie šlachi zabieśpiačeńnia kalininhradskaj vajskovaj hrupoŭki pierakryjucca imhnienna.

Ciapier čytajuć

Jak žurnalistka «Našaj Nivy» šukała paru na pravasłaŭnym sajcie znajomstvaŭ. Padkaciŭ i Tałaj32

Jak žurnalistka «Našaj Nivy» šukała paru na pravasłaŭnym sajcie znajomstvaŭ. Padkaciŭ i Tałaj

Usie naviny →
Usie naviny

Na «Dažynkach» u Vaŭkavysku Uładzimir Karanik pulaŭ kapustaj u baskietbolnaje kolca VIDEA12

Na vyzvalenych i departavanych palitviaźniaŭ sabrali 111 tysiač jeŭra — jak ich raźmiarkujuć?20

U Biełarusi chočuć uvieści padatak na bahaćcie12

Były pamočnik Łukašenki Ihar Bryło pryznaŭ, što nabraŭ chabaraŭ na $2 miljony15

Minadukacyi apublikavała pamiatku, pa kolki kletak treba adstupać u školnych sšytkach5

U ZŠA zakłapočanyja, kab paśla źniaćcia sankcyj z «Biełavija» detali dla «Boinhaŭ» nie traplali ŭ Rasiju2

Ad zakryćcia miažy z Polščaj vialikija straty niasie nie tolki Biełaruskaja čyhunka, ale i «Biełaruśkalij»7

Ukrainskija pamiežniki: Rasijskija vojski paśla vučeńniaŭ u Biełarusi nie zastalisia1

Novyja iPhone užo ŭ Biełarusi. Kolki kaštujuć i ci varta jechać pa ich u Polšču abo Litvu?14

bolš čytanych navin
bolš łajkanych navin

Jak žurnalistka «Našaj Nivy» šukała paru na pravasłaŭnym sajcie znajomstvaŭ. Padkaciŭ i Tałaj32

Jak žurnalistka «Našaj Nivy» šukała paru na pravasłaŭnym sajcie znajomstvaŭ. Padkaciŭ i Tałaj

Hałoŭnaje
Usie naviny →

Zaŭvaha:

 

 

 

 

Zakryć Paviedamić