«Nie možam trapić u Biełaruś». Utvaryłasia čarha na łatvijskaj miažy, aŭtobusy stajać ź viečara
Na łatvijska-biełaruskaj miažy ŭtvaryłasia vialikaja čarha z transpartu. Ludzi stajać ź viečara biez elemientarnych umoŭ — tualetaŭ niama, navat chadzić u les zabaranili pamiežniki, piša Onliner.
Čytačka raspaviała Onlíner pra situacyju na łatvijska-biełaruskaj miažy. Pavodle jaje słoŭ, aŭtobusy, što pryjechali tudy jašče ŭčora ŭviečary, da hetaha času nie mohuć pierasiekčy miažu, kab ujechać u Biełaruś.
— My pryjechali na miažu ŭčora ŭ 18:30. Da 08:30 situacyja nie źmianiłasia: staim dahetul na łatvijskim baku. Umoŭ niama nijakich: tualetaŭ niama, ludzi chodziać u les, — raspaviała surazmoŭca. — Dakładniej, chadzili: ciapier pamiežniki i heta zabaraniajuć — pahražajuć štrafam.
Pavodle jaje słoŭ, uviečary, kali jany tolki stali ŭ čarhu aŭtobusaŭ, byli dziasiatymi. Ciapier — čaćviortyja.
Heta značyć, prykładna za 10 hadzin łatvijskuju miažu prajšli 6 aŭtobusaŭ.
Žančyna raspaviała, što ź Biełarusi vyjazdžała praz polskuju miažu, kali jašče punkt propusku «Tarespal» byŭ adkryty. Miarkujučy pa ŭsim, ich aŭtobus tady byŭ adnym z apošnich, chto paśpieŭ prajechać.
— Jechali my praz Polšču. Ź Minska vyjechali 9 vieraśnia ŭ 14:00, miažu pierasiekli 11 vieraśnia ŭ 22:30, — raspaviała jana.
Ciapier viarnucca toj ža darohaj nielha, «Tarespal» začynieny, jak i ŭsie astatnija punkty propusku na polskaj miažy. Litva abo Łatvija — voś što zastałosia dla ludziej, jakija sprabujuć viarnucca aŭtobusami abo aŭtamabilami ź ES u Biełaruś.
Polšča zakryła miažu ź Biełaruśsiu ŭ noč z 11 na 12 vieraśnia ŭ suviazi z pačatkam rasijska-biełaruskich vučeńniaŭ «Zachad-2025», jakija zaviaršylisia 16 vieraśnia. Polski bok paviedamiŭ, što miažu adkryjuć, kali paličać heta biaśpiečnym.
Ciapier čytajuć
Muzyka, malavańnie i tancy ŭ škołach i himnazijach — usio? Što viadoma pra skaračeńni nastaŭnikaŭ-estetystaŭ3
Muzyka, malavańnie i tancy ŭ škołach i himnazijach — usio? Što viadoma pra skaračeńni nastaŭnikaŭ-estetystaŭ
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary
Nieužieli nie mohut orhanizovať biotualety?!
K sožaleniju, bałtijskije strany tak žie daleki ot Jevropy, kak i strany vostočnieje. V ES zaskočiť połučiłoś, a mientalitiet ostałsia tot žie. Kak ja jeho nazyvaju, "złobnosovkovyj" ((