«Zimoj pieranios insult». Pamior «sumnaja pčała» Juryj Tarasionak
Učora ŭviečary pad adnym ź videa ŭ sacsietkach źjaviłasia paviedamleńnie pra śmierć lehiendy biełaruskaha cyrka Juryja Tarasionka (toj samaj sumnaj pčały Jury», jaki źbiraŭ miljonnyja prahlady ŭ tyktoku), piša Onliner.by.
Ź lehiendaj biełaruskaha cyrka raźvitalisia siońnia ŭ krematoryi na Paŭnočnych mohiłkach.
«Jura byŭ čałaviek adzinoki, heta zdaryłasia doma, kali jon byŭ adzin», — raspaviała byłaja kaleha Juryja Natalla Šoŭhur.
Plamieńnica artysta Darja ŭdakładniła, što jaje dziadźka pamior 11 vieraśnia.
«Jašče ŭ studzieni jon pieranios insult i dva mikrainsulty. A paśla 4 vieraśnia źnik, pierastaŭ vychodzić na suviaź. Milicyja patelefanavała 23 vieraśnia: jaho znajšli z aciokam mozhu.
Raźvitańnie prajšło siońnia, prach pieradaduć na mohiłki «Lasnoje» 23 kastryčnika, pachavańnie skryni budzie a 12:10. Kala ściany na 31 siektary ź Juryjem zmohuć raźvitacca ŭsie achvotnyja. Artystam jon byŭ nievierahodnym, jaho numary zaŭsiody byli jak čaraŭnictva».
Juryj Tarasionak — biełaruski artyst cyrka z 40‑hadovym stažam. Asablivuju papularnaść jamu pryniesła praca ŭ kłoŭnskim duecie «Pan Žoržyk i Haŭroš» u pary z artystkaj cyrka Natallaj Suvoravaj, jakaja na toj momant była jaho žonkaj.
Pamior «sumny pčoł» Juryj Tarasionak. Siońnia ŭ krematoryi na Paŭnočnych mohiłkach raźvitalisia ź lehiendaj biełaruskaha cyrka
U apošnija hady Juryja bačyli ŭ roznych rajonach horada ŭ kaściumie čmiala. Jon padpracoŭvaŭ animataram, fatahrafavaŭsia z achvotnymi i daryŭ šaryki. Adnaho dnia jon prosta zasiarodžana stajaŭ na piešachodnym pierachodzie i trapiŭ na videa. Vypadkova źniaty rolik z artystam raźlacieŭsia na miljony prahladaŭ.
Foty z Maskvy dajuć pabačyć Pucina i Łukašenku biez hrymu14
Kamientary