Pasažyrski ciahnik №67 Viciebsk — Smalensk adpraŭleńniem u 04:09 budzie ruchacca źmienienym maršrutam praz Oršu. Heta źviazana z DTZ na pierajeździe ŭ Rudnianskim rajonie Smalenskaj vobłaści, nastupstvy jakoha da hetaha času likvidujucca.
Taksama padoŭžanaja praca kampiensacyjnych aŭtobusaŭ pamiž apošniaj čyhunačnaj stancyjaj na biełaruskim baku Zavolšaj i Smalenskam. U 05:32 pa raskładzie ciahnika №6701/6702 aŭtobus adpravicca sa stancyi Hałynki da Smalenska, u 08:34 — ad Smalenska da Zavolšy pa raskładzie ciahnika 6705/6706. Aŭtobusy buduć rabić prypynki na stancyjach, raźmieščanych pa maršrutach.
Ranicaj 26 vieraśnia pamiž stancyjami Rudnia i Hałynki na pierajeździe ŭ Smalenskaj vobłaści Rasii, zusim niedaloka ad miažy ź Biełaruśsiu, sutyknulisia hruzavyja aŭtamabil i ciahnik. U vyniku z rejek syšli 18 vahonaŭ, 16 ź jakich pierakulilisia i zaharelisia. Ź ich 12 cysternaŭ ź bienzinam i 4 vahony ź piłamateryjałami.
Rasijskija ŭłady admaŭlajuć, što ŭ hetym zdareńni mohuć być ślady niejkaj dyviersii. Pa słovach hubiernatara Smalenskaj vobłaści Vasila Anochina, kiroŭca bujnoha hruzavika, ruchajučysia sa Smalenska ŭ bok Rudni, vyrašyŭ pieraadoleć pierajezd na zabaronieny sihnał śviatłafora, choć nabližaŭsia ciahnik. Heta nibyta stała adzinaj pryčynaj avaryi, inšyja viersii śledstvam ciapier nie razhladajucca.
Ciapier čytajuć
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»12
Kamientary