Litva i Biełaruś majuć haračuju liniju dla papiaredžańnia pra rasijskija bieśpiłotniki
«Va ŭsich hetych incydentach Rasija imkniecca pravieryć krainy NATO na ŭschodnim fłanhu», — ličyć namieśnik ministra abarony Litvy Tomas Hadlaŭskas.
Namieśnik ministra abarony Litvy Tomas Hadlaŭskas paviedamiŭ pra najaŭnaść haračaj linii ź Biełaruśsiu dla papiaredžańnia pra rasijskija bieśpiłotniki. Pra heta jon zajaviŭ u intervju Die Welt, kažučy pra incydenty z parušeńniami pavietranaj prastory ŭ jeŭrapiejskich krainach.
«Va ŭsich hetych incydentach Rasija imkniecca pravieryć krainy NATO na ŭschodnim fłanhu», — ličyć Hadlaŭskas.
Pa jaho słovach, Maskva choča viedać, nakolki zhurtavany aljans i jakimi mietadami jon reahuje na takija pravakacyi. Adnoj z reakcyj na heta źjaŭlajucca kansultacyi ŭ adpaviednaści z artykułam 4 Damovy ab NATO, jakaja prymianiajecca, kali dziaržava-člen ličyć, što jaje niedatykalnaść, palityčnaja niezaležnaść ci biaśpieka znachodziacca pad pahrozaj.
«Zaraz viaducca dyskusii pra toje, jak my možam umacavać uschodniaje kryło. Asabliva krainy, što miažujuć z Rasijaj abo Biełaruśsiu, vielmi surjozna staviacca da pahrozaŭ u ahulnaj pavietranaj prastory», — padkreśliŭ jon.
U ciapierašni čas vyvučajucca sposaby adekvatnaha reahavańnia na takija pravakacyi. Tak, u Litvie ciapier budzie dazvolena źbivać drony ŭ mirny čas.
«Dla nas u rehijonie pahroza z boku Rasii nie źjaŭlajecca niečym novym. Maskva nie choča vieści pieramovy i ciapier uzmacniaje cisk z dapamohaj kibieratak, dyviersij na krytyčna važnych abjektach infrastruktury, pieraškod GPS i dezinfarmacyi. Adnak heta ŭzmacniaje naša ŭśviedamleńnie taho, što my pavinny rabić bolš i znajści pravilnyja instrumienty dla procidziejańnia takim atakam», — zajaviŭ namieśnik ministra.
Hadlaŭskas kaža, što zachodnija krainy pavinny padrychtavacca da źmienienaha scenara pahrozaŭ: «20 hadoŭ tamu amal nichto nie dumaŭ pra zvyčajnuju (kanviencyjnuju) vajnu, chutčej pra terarystyčnyja akcyi».
Ciapier čytajuć
Foty z Maskvy dajuć pabačyć Pucina i Łukašenku biez hrymu11
Kamientary
siońnia na Biełsacie ŭ pieradačy Karani Prablemaŭ skazała, što na drony, jakija laciać na krainy Jeŭropy praź Biełaruś, Jeŭropie treba adkazvać udarami pa terytoryi Biełarusi i treba źniščyć usio biełaruskaje vojska.
A chto tady budzie papiaredžvać pa haračaj linii Litvu i inšyja krainy NATO na ŭschodnim fłanhu pra rasijskija bieśpiłotniki? Kali nie budzie ni biełaruskaha vojska, ni biełaruskaha PVO?