U červieni 2023 hoda ŭ Homielskim abłasnym sudzie prajšoŭ zakryty praces suprać byłoha načalnika cecha zavoda «Homsielmaš» Uładzisłava Pudziaka. Sudździa Alaksandr Piskunoŭ pryznaŭ mužčynu vinavatym u «zdradzie dziaržavie» i prysudziŭ realny termin. Ale dakładny vynik pracesu staŭ viadomy tolki ciapier, piša «Homielskaja viasna».
Ciapier stała viadoma, što Pudziaku pryznačyli 11 hadoŭ pazbaŭleńnia voli ŭ kałonii ahulnaha režymu.
U vieraśni 2023 hoda Viarchoŭny sud na čale ź Mikałajem Hryncevičam adchiliŭ jaho apielacyju i pakinuŭ prysud bieź źmienaŭ.
Uładzisłaŭ Pudziak pracavaŭ na «Homsielmašy» i nieadnarazova byŭ u vybarčych kamisijach. Na prezidenckich vybarach 2020 hoda, jakija byli sfalsifikavanyja, jon vykonvaŭ abaviazki namieśnika staršyni kamisii ŭčastka №20 u Homieli.
Za što mienavita jaho abvinavacili ŭ «zdradzie dziaržavie», pa-raniejšamu nieviadoma. U žniŭni 2023 hoda pravaabaroncy pryznali jaho palitviaźniem, a MUS uklučyła ŭ śpis «ekstremistaŭ».
Ciapier Uładzisłaŭ Pudziak znachodzicca ŭ kałonii №17 u Škłovie Mahiloŭskaj vobłaści.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»16
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2727
Kamientary