U Rudnianskim rajonie Smalenskaj vobłaści, niepadalok ad miažy ź Biełaruśsiu, u piatnicu ranicaj adbyłosia surjoznaje DTZ na čyhunačnym pierajeździe. Pa słovach hubiernatara vobłaści Vasila Anochina, kiroŭca bujnoha hruzavika, ruchajučysia sa Smalenska ŭ bok Rudni, vyrašyŭ pieraadoleć pierajezd na zabaronieny sihnał śviatłafora, choć nabližaŭsia ciahnik. Heta stała adzinaj pryčynaj avaryi, inšyja viersii śledstvam nie razhladajucca.
U vyniku sutyknieńnia hruzavika ź ciahnikom 18 vahonaŭ syšli z rejek, pryčym 16 ź ich zaharelisia. Na miescy zdareńnia pačaŭsia maštabny pažar, jaki likvidoŭvali rasijskija ratavalniki.
Avaryjnaja situacyja pryviała da pierabojaŭ u ruchu: pryharadnyja ciahniki sa Smalenska ŭ bok biełaruskaj Zavolšy byli skasavanyja, zamiest ich puścili aŭtobusy. Adnak na kursiravańnie ciahnikoŭ dalokaha pryznačeńnia pamiž Minskam i Maskvoj incydent nie paŭpłyvaŭ, pakolki jany iduć inšaj linijaj, praz Oršu.
Biełaruskija MNS u aficyjnaj zajavie adznačyli, što da ich rasijskija kalehi pa dapamohu nie źviartalisia. Tym nie mienš Biełaruś adpraviła ŭ Smalenskuju vobłaść śpiecyjalnyja ciahniki — pažarny, avaryjna-vyratavalny i adnaŭlenčy. Akramia taho, na miescy pracujuć čatyry adnaŭlenčyja sastavy Maskoŭskaj čyhunki, adzin ź jakich — biełaruski.
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ9
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1919
Kamientary
Vy čytać, toje, što publikujecie, paśpiavajecie?
"Biełaruskija MNS u aficyjnaj zajavie adznačyli, što da ich rasijskija kalehi pa dapamohu nie źviartalisia.
Tym nie mienš Biełaruś adpraviła ŭ Smalenskuju vobłaść śpiecyjalnyja ciahniki — pažarny, avaryjna-vyratavalny i adnaŭlenčy.
Akramia taho, na miescy pracujuć čatyry adnaŭlenčyja sastavy Maskoŭskaj čyhunki, adzin ź jakich — biełaruski."