Kitajski aŭtapram imkliva zavajoŭvaje Jeŭropu. Zamiest svaich lehiend jeŭrapiejskija zavody vypuskajuć aŭto z Padniabiesnaj
Jašče niekalki hadoŭ tamu kitajskija aŭtamabili na jeŭrapiejskich darohach byli ekzotykaj. Siońnia brendy GAC, BYD, MG, Chery i Xpeng stanoviacca realnaj pahrozaj dla miascovych vytvorcaŭ. Havorka ŭžo nie pra impart z Azii — kitajskija hihanty pačali masava budavać i skuplać zavody prosta ŭ Jeŭropie. Maštab hetych inviestycyj uražvaje.
Jak piša Rzeczpospolita, kitajskija kampanii ŭ Jeŭropie dziejničajuć chutka i stratehična. Jany nie prosta pastaŭlajuć hatovyja mašyny, a stvarajuć vytvorčyja płacdarmy ŭ samym sercy Jeŭrasajuza, kab abychodzić myty i intehravacca ŭ miascovyja łancužki pastavak.
Simvaličnym źjaŭlajecca rašeńnie kitajskaha XPeng, jaki raspačaŭ zborku madelaŭ G6 i G9 na zavodzie Magna Steyr u aŭstryjskim Hracy, tam, dzie raniej źbirali Toyota Supra i BMW Z4. Pakul što heta zborka aŭto z kitajskich kamplektaŭ, ale ź pierśpiektyvaj pahłybleńnia supracoŭnictva.
Bolš za toje, zavod Magna abviaščaje, što nieŭzabavie moža pačać zborku i siedana P7, a paralelna viadzie pieramovy z GAC — inšym kitajskim hihantam, jaki płanuje ŭłasnuju vytvorčaść u Jeŭropie. Razhladajecca varyjant nabyć isnujučy zavod — u tym liku brusielskaj fabryki Audi, dla jakoj Volkswagen adčajna šukaje pakupnika.
Jašče bolš rašučyja kroki robić BYD — najbujniejšy ŭ śviecie vytvorca elektramabilaŭ. Kampanija ŭžo buduje vielizarny zavod u vienhierskim Siehiedzie, jaki pačnie pracu ŭ 2025 hodzie. Na im płanujecca vypuskać kala 150 000 aŭtamabilaŭ u hod, stolki ž, kolki na zavodzie siaredniaha pamieru Volkswagen.
U płanach — jašče adzin zavod u Turcyi i treci ŭ Jeŭropie, a taksama zavod pa vytvorčaści akumulataraŭ. Meta ambitnaja: da 2028 hoda ŭsie aŭtamabili BYD, što pradajucca ŭ Jeŭropie, pavinny vyrablacca tut ža.
Heta nie tolki adkaz na myty ES, ale i sproba pabudavać ułasnuju ekasistemu pastaŭščykoŭ. BYD dekłaruje supracoŭnictva z sotniami jeŭrapiejskich kampanij, kab pastupova stać niezaležnym ad kitajskich kampanientaŭ.
Na poŭdni Jeŭropy Chery užo zapuściŭ vytvorčaść madeli Ebro S700 (inšaja nazva dla madeli Chery) u ispanskaj Barsiełonie, zaniaŭšy były zavod Nissan. Chutka tam pačnuć źbirać papularnyja elektryčnyja madeli Omoda i Jaecoo. Akramia taho, kampanija viadzie pieramovy ab vykarystańni niepracujučych zavodaŭ Volkswagen u Hiermanii.
Kitajski Leapmotor uvajšoŭ u aljans z kancernam Stellantis, jaki budzie vyrablać i pradavać ich aŭto za miežami Kitaja. Vytvorčaść novych madelaŭ płanujecca na zavodzie ŭ ispanskaj Sarahosie.
SAIC, uładalnik papularnaha brenda MG, jaki ŭžo pradaŭ u Jeŭropie bolš za 240 tysiač aŭto ŭ 2024 hodzie (heta bolš, čym u Fiat ci Honda), razhladaje mahčymaść pabudavać ułasnuju vytvorčuju placoŭku ŭ Ispanii ci Vienhryi.
Svoj intares da vytvorčaści ŭ Jeŭropie vykazvajuć i inšyja hihanty, takija jak Great Wall Motor i Dongfeng.
Pahroza ci šaniec?
Dla Jeŭrasajuza kitajskija inviestycyi — heta pałka z dvuma kancami.
Z adnaho boku, heta vidavočnyja plusy. Pa-pieršaje, tysiačy novych pracoŭnych miescaŭ u rehijonach, dzie aŭtamabilnaja pramysłovaść u zaniapadzie. Heta taksama šaniec na zachavańnie vytvorčych kampietencyj — kali takija hihanty, jak Volkswagen, zakryvajuć zavody, to lepš, kab vytvorčaść na ich praciahvałasia, navat pad kitajskim łahatypam.
Pa-druhoje, heta stvaraje kankurencyju i pryvodzić da źnižeńnia cen. Ahresiŭnaja cenavaja palityka kitajskich brendaŭ, čyje madeli časta na 20-30% tańniejšyja za jeŭrapiejskija anałahi, užo prymušaje miascovych hulcoŭ pierahladać svaje prajs-listy. Naprykład, Volkswagen niadaŭna značna źniziŭ ceny na svaju liniejku elektramabilaŭ ID, a Mazda — na papularny krasovier CX-5. Dla spažyŭca heta dobraja navina.
Ź inšaha boku, isnujuć surjoznyja ryzyki. Treba razumieć, što heta nie dabračynnaść. Meta kitajskich karparacyj — zavajavać rynak, a zatym pastupova ŭziać pad kantrol uvieś łancužok: ad pastaŭščykoŭ kampanientaŭ da servisnych centraŭ i zaradnaj infrastruktury.
Jeŭropa ryzykuje stracić kantrol nad stratehičnaj halinoj i trapić u takuju ž zaležnaść ad Piekina, jak heta ŭžo adbyłosia ŭ śfiery elektroniki i akumulataraŭ. Što budzie, kali praź niekalki hadoŭ bolšaść elektramabilaŭ, jakija źbirajucca ŭ Jeŭropie, buduć mieć kitajskija łahatypy, a miascovyja brendy abmiažujucca vytvorčaściu premijalnych madelaŭ?
Chto vyjhraje, a chto prajhraje?
Na fonie hetaj ekspansii vidavočnymi pieramožcami vyhladajuć Vienhryja i Ispanija, jakija aktyŭna pryvablivajuć inviestaraŭ. Vienhryja ŭvohule pieratvarajecca ŭ hałoŭny kitajski chab u Jeŭropie, dzie budujuć zavody nie tolki aŭtavytvorcy, ale i vytvorcy akumulataraŭ (CATL, Eve Energy), a pobač ź imi pracujuć Audi, BMW i Mercedes.
A voś Polšča, niahledziačy na raźvituju pramysłovuju bazu i kvalifikavanyja kadry, zastajecca ŭbaku. Prajekt zborki Leapmotor T03 u Tychach byŭ prypynieny, a pieramovy z Geely, pa čutkach, sarvalisia praz palityčnuju niedavierlivaść polskaha ŭrada.
Kitajskija aŭtamabili-hibrydy mocna apramieńvajuć karystalnikaŭ
Syšła epocha. Zamiest sałona VW va Uruččy adkryŭsia dylerski centr Chery
«Na prabiehu 40—55 tysiač pačynajuć praharać kłapany». Biełarusy pra dośvied karystańnia Geely
Kitaj upieršyniu staŭ suśvietnym lidaram na rynku aŭto. Jak tak atrymałasia?
Kamientary
I smotritie, kak povlijała SVO RF i RB v Ukrainie, vsio mimo tierritorii RB, RF, Ukrainy.
I jeŝio, jeśli sochranitsia klijentskaja poddieržka na tiepieriešniem urovnie, sochranitsia takoje žie obieśpiečienije zapčastiami k kitajskim avto, to vładielcam kitajŝiny nie pozaviduješ, osobienno vładielcam kitajskoj vtorički.
V niekotorych iz etich projektov doviełoś nieposriedstvienno i mnie poučastvovať.
Tiepieŕ vot kitajskij avtoprom vnačale etoho puti.
Vsio tiečiot, vsio mieniajetsia.