Krasulina: Terminy sustrečy z dyjasparaj u Ńju-Jorku sapraŭdy pieranosilisia, ale pa inicyjatyvie Siarhieja Cichanoŭskaha
Pres-sakratarka Śviatłany Cichanoŭskaj Hanna Krasulina ŭ kamientary «Biełsatu» patłumačyła, čamu na sustrečy Siarhieja i Śviatłany Cichanoŭskaj ź biełaruskaj dyjasparaj u Ńju-Jorku ŭźnik časavy cejtnot, jaki ŭ vyniku vyliŭsia ŭ kanfliktnuju situacyju.
Jak śćviardžaŭ Siarhiej Cichanoŭski, sustreča pieranosiłasia try razy ź inicyjatyvy Ofisa, što stvaryła peŭnaje napružańnie. Ale, jak tłumačyć pres-sakratarka Śviatłany Cichanoŭskaj, choć pjeranosy sapraŭdy byli, jany rabilisia nie pa vinie i nie ź inicyjatyvy Ofisa.
Hanna Krasulina raskazała, što sustreča z dyjasparaj była pryznačanaja spačatku na 18:00, ale Siarhiej patrabavaŭ pieranieści jaje na 20:00. Kamanda Ofisa na heta pahadziłasia i źmianiła prahramu, pieraniesła niekalki sustreč i intervju.
Paśla hetaha, pavodle słoŭ Krasulinaj, pamočniki Siarhieja vyśvietlili, što ŭ 20:00 nie ŭdasca arhanizavać sustreču i viarnuli čas nazad, na 18:00. Ofis iznoŭ źmianiŭ płany, pieranios sustrečy i intervju.
Ale intervju CNN pieranieści nie ŭdałosia:
«CNN — adzin ź viadučych suśvietnych kanałaŭ, jaki łaskava prapanavaŭ nam žyvy efir u prajm-tajm. Heta ŭsiaho dziesiać chvilin. Kamanda płanavała adłučycca na hety čas, nie bolš za tryccać chvilin uvohule, i viarnucca na sustreču ź biełarusami, što ciahnułasia paŭtary hadziny», — śćviardžaje Krasulina.
Adnak, jak viadoma, z-za pratestu Cichanoŭskaha hetaje intervju ŭrešcie daviałosia ŭvohule terminova admianić.
«Nierazumieńnie taho, što nie jon, a Śviatłana ciapier centralnaja fihura. Na škodu hramadskim intaresam»
«U nas intervju CNN nie pad ženščynu». Jak biełarusy kamientujuć u sacsietkach kanflikt Cichanoŭskich
Cichanoŭski patłumačyŭ, čamu jon tak pavodziŭ siabie ŭ Ńju-Jorku
Pad ciskam muža Śviatłana Cichanoŭskaja admianiła intervju CNN i praciahnuła razmovu ź biełarusami ŭ Ńju-Jorku
Čaho čakaje Polšča ad Minska i ci zakryje znoŭ miažu na hetym tydni?26
Kamientary
Adnak, jak viadoma, z-za pratestu Cichanoŭskaha heta intervju ŭrešcie daviałosia ŭvohule terminova admianić.". Afihieć. a voś jakomu rasiejskamu "Daždžu" Cichanoŭski znajšoŭ by čas. Prosta vyklučny palityčny nieprafiesijanalizm Cichanoŭskaha.