13 niadaŭna vyzvalenych i vyviezienych u Litvu palitviaźniaŭ vykazali žadańnie lehalizavacca ŭ Polščy
Hetyja ludzi paprasili pradstaŭnictva pa sacyjalnaj palitycy Abjadnanaha pierachodnaha kabinieta paspryjać im u takoj lehalizacyi. Pra toje paviedamiŭ «Pozirku» namieśnik kiraŭnicy APK, kiraŭnik Narodnaha antykryzisnaha ŭpraŭleńnia Pavieł Łatuška.
«Ja pieradaŭ viedamstvu pa spravach zamiežnikaŭ adpaviedny śpis i hetuju prośbu. U nas užo adbyŭsia pracoŭny kantakt ź viedamstvam pa spravach zamiežnikaŭ, dakumienty byli pieradadzieny i ŭ Ministerstva zamiežnych spraŭ Polščy», — paviedamiŭ jon.
Pa słovach palityka, dasiahnutaja papiaredniaja damoŭlenaść, što polski bok «budzie namahracca sadziejničać lehalizacyi tych palityčnych źniavolenych, jakija vyjšli z turmaŭ u Biełarusi», i «nie budzie prymianiać da ich Dublinskuju papraŭku» (Dublinski rehłamient vyznačaje, jakaja kraina ES niasie adkaznaść za razhlad zajaŭki na pradastaŭleńnie mižnarodnaj abarony abo prytułku, kab praduchilić padaču niekalkich zajavak u roznych krainach i vyznačyć adzinuju adkaznaść za razhlad kožnaj zajaŭki).
Pry hetym Łatuška padkreśliŭ, što «kožny vypadak nosić indyvidualny charaktar, ale ŭ cełym ahulny padychod stanoŭčy».
U ramkach pracoŭnaj hrupy pa pytańniach lehalizacyi biełarusaŭ u Polščy (Łatuška ŭznačalvaje biełaruskuju častku, z polskaha boku — kiraŭnik Upraŭleńnia pa spravach zamiežnikaŭ Tomaš Cytrynovič), pa słovach surazmoŭcy, dasiahnuta damoŭlenaść pravieści praz tydzień asobnaje pasiadžeńnie.
Heta pasiadžeńnie, jak skazaŭ Łatuška, «budzie pryśviečana vyklučna pytańniam lehalizacyi palityčnych źniavolenych, jakija vyjšli z turmaŭ». «My taksama abmiarkujem i dalejšyja mahčymyja kroki, kali, jak my ŭsie spadziajemsia, vyzvaleńni buduć praciahvacca», — skazaŭ jon.
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary