Pamior hałoŭny redaktar znakavaha časopisa Pierabudovy «Ohoniok» Vitalij Karocič
Pamior Vitalij Karocič — saviecki i ŭkrainski paet, publicyst, hramadski dziejač. U hady Pierabudovy — hałoŭny redaktar adnaho z najbolš upłyvovych časopisaŭ «Ohoniok», jaki adyhraŭ vialikuju rolu ŭ raskryćci praŭdy pra stalinskija represii i ŭ demakratyčnych pieramienach u SSSR, piša Rasijskaja słužba Radyjo Svaboda.
Karocič pamior u Maskvie. Jamu było 89 hadoŭ.
Vitalij Karocič naradziŭsia ŭ Kijevie ŭ 1936 hodzie. Pavodle adukacyi — miedyk. U 1960‑ia hady staŭ viadomy jak paet, pisaŭ na ŭkrainskaj i ruskaj movach. Jaho vierš «Apošniaja prośba staroha liryka» ŭ pierakładzie Juny Moryc staŭ viadomaj pieśniaj «Pieraviadzi mianie cieraz Majdan», jakuju vykonvali Taćciana i Siarhiej Nikiciny.
Karocič pracavaŭ redaktaram roznych litaraturnych vydańniaŭ u Kijevie. Jak publicyst rabiŭ materyjały pra zamiežnyja krainy z łajalnych da savieckaha ładu pazicyj. Va ŭkrainskich archivach isnujuć dakumienty pra jaho supracoŭnictva z KDB.
Paśla pačatku Pierabudovy ŭ SSSR, u 1986 hodzie, staŭ hałoŭnym redaktaram časopisa «Ohoniok» i zastavaŭsia im da 1991 hoda. Pad kiraŭnictvam Karociča nakład «Ohońka» vyras da 4 miljonaŭ asobnikaŭ.
Časopis pisaŭ na nadzionnyja temy, u tym liku pra pryvilei partyjnaj namienkłatury, karupcyju, dziedaŭščynu ŭ armii. U im publikavalisia mnohija, što paźniej stali viadomymi, žurnalisty.
Adna z hałoŭnych tem «Ohońka» — stalinskija represii i losy ich achviar.
Vydańnie aktyŭna vystupała na karyść kursu na hałosnaść i demakratyzacyju. Karocič byŭ abrany narodnym deputatam SSSR i ŭvajšoŭ u skład Mižrehijanalnaj hrupy, jakaja vystupała jak demakratyčnaja apazicyja da Michaiła Harbačova.
U žniŭni 1991 hoda, daviedaŭšysia pra putč HKČP, pryniaŭ rašeńnie zastacca ŭ ZŠA, z-za čaho daviałosia pakinuć pasadu hałoŭnaha redaktara «Ohońka». Da 1998 hoda vykładaŭ u ZŠA, zatym viarnuŭsia ŭ Kijeŭ. Uznačalvaŭ redakcyjnuju radu haziety «Bulvar Hardona». Vystupiŭ u padtrymku Viktara Janukoviča.
U 2014 hodzie ŭ intervju Radyjo Svaboda nie staŭ prama adkazvać na pytańnie ab prynaležnaści Kryma skazaŭšy pry hetym: «Niemahčyma pavieryć u toje, što Rasija pačnie vajnu z Ukrainaj. Takoha nie było nikoli ŭ historyi».
«U Viciebsku zachodziŭ u tralejbus i kazaŭ «Słava Ukrainie!». Ukrainca ŭ 67 hadoŭ pasadzili za kamienty, napisanyja paśla hibieli chrosnaj dački pad abstrełam u Kijevie1010
Kamientary