Dvaich departavali, dvoje źjechali sami. U Polščy raskazali pra biełarusaŭ, zatrymanych paśla kancerta Karža
Pamiežnaja słužba Polščy raskazała pra los 63 zamiežnikaŭ, zatrymanych na kancercie biełaruskaha repiera Maksa Karža, jaki adbyŭsia 9 žniŭnia ŭ Varšavie. Siarod ich 57 hramadzian Ukrainy i šaściora hramadzian Biełarusi.
Dvaich biełarusaŭ vydvaryli z Polščy. Jašče dvoje pakinuli krainu sami. Akramia taho, Pamiežnaja słužba raspačała spravu ab abaviazku da viartańnia ŭ krainu pachodžańnia ŭ dačynieńni da adnaho hramadzianina Biełarusi. I jašče adnaho ŭniesła ŭ śpis asob, jakim zabaronieny ŭjezd u Šenhienskuju zonu, piša MOST sa spasyłkaj na ahienctva PAP.
Usiaho padčas kancerta Karža zatrymali 63 inšaziemcaŭ. 14 ź ich departavali, 13 pakinuli Polšču dobraachvotna. U dačynieńni da troch zamiežnikaŭ Pamiežnaja słužba raspačała spravy pa abaviazku da viartańnia, i 33 zabaronieny ŭjezd u krainy Šenhienskaj zony.
Kancert biełaruskaha repiera Maksa Karža adbyŭsia 9 žniŭnia na stadyjonie PGE Narodowy u Varšavie. Padčas mierapryjemstva niekatoryja hledačy parušyli hramadski paradak, vyskačyŭšy z trybun na pole stadyjona. Adzin z udzielnikaŭ demanstravaŭ ściah UPA, jaki ŭ polskim hramadstvie vyklikaje asacyjacyi z etničnymi čystkami, što adbylisia ŭ 1943 hodzie.
Heta vyklikała hučny skandał, u adkaz na jaki ŭłady vyrašyli vydvaryć z krainy ŭsich zamiežnikaŭ, jakija parušyli paradak padčas kancerta.
Maks Korž paćvierdziŭ, što pryčyna admieny kancerta ŭ Ałmaty — pavodziny fanataŭ u Varšavie
Narkotyki, piratechnika, padrobka biletaŭ: za što zatrymlivali biełarusaŭ na kancercie Karža
U Gazeta Wyborcza źjaviŭsia zvarot palakaŭ da Tuska, u jakim rezka asudžajucca departacyi paśla kancerta Karža
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie
Paźniak žorstka vykazaŭsia pra Karža: Antyestetyčnaje, antymastackaje šarłatanstva, raźličanaje na dehienieratyŭnaje ŭspryniaćcie
«Uschodni hihant», a sceny na kancercie — «vartyja Dante». Jak upłyvovaje polskaje vydańnie raskazała pra Maksa Karža palakam
Minčanka Anhielina, jakaja prasiła ŭ Łukašenki kvateru za trojniu, atrymała žyllo18
Kamientary