Rasija zabłakavała prodaž Rajfajzenbanka: choča zachavać finansavy most z Zachadam
Raiffeisen Bank International nie zdoleŭ pradać svaju dolu ŭ rasijskim biźniesie. Pavodle Reuters, nabyć aktyvy chacieŭ nienazvany inviestar, ale Kreml zabaraniŭ ździełku, pakolki choča zachavać bank jak klučavy kanał finansavych suviaziaŭ z Zachadam.
Rajfajzen zastajecca najbujniejšym kredytoram u Rasii, jaki nie padpadaje pad zachodnija sankcyi, što robić jaho krytyčna važnym dla handlovych płaciažoŭ, u tym liku za pastaŭki rasijskaha hazu ŭ Jeŭropu. Bank apracoŭvaje płaciažy i pa hazapravodzie «Turecki patok», praź jaki Rasija pastaŭlaje haz u Vienhryju i Bałharyju.
Aŭstryjski bank užo niekalki hadoŭ sprabuje znajści pakupnika na svaju rasijskuju «dačku», spadziejučysia, što Maskva dazvolić repatryjavać prybytki, jakija ciapier zabłakavanyja. Sumy aceńvajucca prykładna ŭ 7 młrd jeŭra.
Kiraŭnik RBI Iahan Štrobl nieadnarazova jeździŭ u Rasiju dla pieramovaŭ, ale pradać dolu nie ŭdałosia. Pryčyna — rasijskija ŭłady bačać u banku apošni «ekanamičny most» ź Jeŭropaj, jakaja ŭsio jašče zakuplaje rasijskija naftu i haz, choć i ŭ značna mienšych abjomach, čym da vajny.
U toj ža čas na Raiffeisen uzmacniajecca cisk z boku ZŠA i ES, jakija patrabujuć skaracić dziejnaść u Rasii praz vajnu suprać Ukrainy. Ukrainskija ŭłady nieadnarazova krytykavali bank za toje, što jon praciahvaje pracavać na rasijskim rynku i tym samym padmacoŭvaje ekanomiku ahresara.
Na dadzieny momant bank skaraciŭ apieracyi ŭ RF, ale całkam syści nie moža — dla hetaha patrebna adabreńnie rasijskich uładaŭ.
Raiffeisen Bank International całkam pakinuŭ biełaruski rynak u vieraśni 2024 hoda, kali jon padpisaŭ ździełku ab prodažy svajho kantrolnaha pakieta kampanii z Abjadnanych Arabskich Emirataŭ. Zavieršana jana była ŭ listapadzie taho ž hoda. Adnak prodaž adbyŭsia «z ekstremalnym dyskontam».
-
Miedyja z televizijnaha puła Biełaha doma padtrymali telekanał CNN u kanflikcie z Trampam. Nie zastaŭsia ŭbaku i Fox News
-
Śpiavačka Łalita na kancercie maciuknułasia prosta ŭ mikrafon, kali prylacieli ŭkrainskija drony VIDEA
-
Tramp nie paviedamlaŭ Litvie pra namier zaklučyć z Łukašenkam pahadnieńnie pa ŭhnajeńniach
Ciapier čytajuć
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj43
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj
Julijana Šamietaviec z «Kibierpartyzanaŭ» stała maci — raskazvaje pra dekretny adpačynak u ZŠA i toje, ci sapraŭdy možna sumiaščać pracu z maciarynstvam1818
Kamientary