Mužčyna pavioz pjanaha susieda na jaho aŭto ŭ kramu. Pa darozie naśmierć źbiŭ 19‑hadovuju dziaŭčynu
Mužčyna sieŭ za rul Renault Megane susieda — toj paprasiŭ advieźci jaho ŭ kramu, bo sam byŭ pjany. Pajezdka zakončyłasia trahiedyjaj.
Mužčyna jechaŭ z chutkaściu kala 90 km/h pa dobra bačnym učastku darohi Kapyl — Niaśviž. Kiroŭca pačaŭ abhaniać Opel Astra, ale nie ŭpeŭniŭsia, što pałasa, na jakuju jon źbiraŭsia vyjechać, svabodnaja, piša Onliner.by.
Padčas abhonu ŭ kiroŭcy Renault Megane była mahčymaść ubačyć dziaŭčynu, jakaja stajała na sustrečnaj pałasie. Jana trymała ŭ adnoj ruce rovar, a ŭ druhoj — telefon. Kiroŭca nie pasprabavaŭ zatarmazić abo źnizić chutkaść. Tolki paśla sutyknieńnia ź piešachodam abvinavačvany pačaŭ tarmazić, viarnuŭsia na pravuju pałasu ruchu, dzie spyniŭsia na abočynie. U vyniku DTZ 19‑hadovaja dziaŭčyna atrymała ciažkija cialesnyja paškodžańni i pamierła na miescy zdareńnia.
U sudovym pasiadžeńni abvinavačvany vinu pryznaŭ u poŭnym abjomie.
— Sud Kapylskaha rajona pastanaviŭ abvinavaŭčy prysud. Na padstavie č. 2 art. 317 Kryminalnaha kodeksa jaho nakiravali ŭ kałoniju va ŭmovach pasialeńnia na 2,5 hoda i pazbavili pravoŭ na 5 hadoŭ, — paviedamlaje słužba infarmacyi prakuratury Minskaj vobłaści.
Prysud u zakonnuju siłu nie ŭstupiŭ, moža być abskardžany i apratestavany ŭ apielacyjnym paradku.
Ciapier čytajuć
Kryk dušy Žyhara pra hrupu Kavaleŭskaha: Hučać zajavy, što Łukašenka lehitymny prezident, choć i nie abrany demakratyčna17
Kamientary
vot čto u nich v baškie??!!!
zdieś žal tolko mužika...
----
Voś kolki dajuś zabojcam, da jašče nie na zonie. A za łajki i abrazy režymu - hody turmy i psasavannaje žyćcio.
Voś takaja spraviadlivaść va "krainie dla žyćcia". Jabaćki zhodnyja z hetym?