Navošta žančyny koluć u tvar śpiermu łasosia? Biełaruska padzialiłasia ŭłasnym dośviedam
Biełaruska ŭ Paŭdniovaj Karei schadziła na bjuci-praceduru i padzialiłasia ŭražańniami ad injekcyj pryhažości.
Moda na «ekstrakt DNK łasosiu» źjaviłasia nie ŭpieršyniu. Jašče ŭ 1970-1980‑ch navukoŭcy ŭ Karei i Japonii pačali daśledavać małoki łasosia jak krynicu nukleatydaŭ i bijaaktyŭnych rečyvaŭ. Pieršyja navukovyja publikacyi tyčylisia zahojvańniu tkanak i stymulacyi rehienieracyi.
U 2000‑ch u Paŭdniovaj Karei hety ekstrakt aktyŭna vykarystoŭvali ŭ estetyčnaj miedycynie. U 2010‑ch jaho pačali dadavać u luksavyja kremy, maski, syrovatki.
I voś u 2025 hodzie moda na «łasasiovy dohlad» vybuchnuła pa ŭsim śviecie. Markietołahi dziela chajpu časta nazyvajuć praceduru ŭkołami śpiermy łasosia — havorka idzie pra ekstrakt, jaki atrymoŭvajuć ź siemiavaj vadkaści samcoŭ łasosia.
Praceduru PDRN pazicyjanujuć jak novy botaks, ale nasamreč pracujuć jany zusim pa-roznamu. Botaks nie lečyć skuru, a pracuje na «zamarozku» (efiekt možna pabačyć davoli chutka), a PDRN pavinien palapšać jakaść skury (jaho efiekt nazapašvalny i bačny praz čas).
Pra ŭkoły PDRN pačali kazać i zorki — naprykład, Kim Kardašjan u svaim šou raspaviadała pra toje, što kałoła ŭ tvar śpiermu łasosia.
Na takuju bjuci-praceduru schadziła i biełaruska, jakaja žyvie ŭ Paŭdniovaj Karei — Dana Kim aktyŭna viadzie tyktok. Niadaŭna jana raspaviała, jak chadziła na ŭkoły śpiermy łasosia.
— U Karei hetaja pracedura vielmi papularnaja. Karejanki robiać jaje, kab skura bliščała jak ekran telefona na maksimalnaj jarkaści.
Dana vyrašyła, što i joj patrebna DNK ryby, i źviarnułasia ŭ kliniku. Spačatku maładoj žančynie na tvar nanieśli abiazbolvalny krem, a praz 20 chvilin stali rabić mnostva maleńkich ukołaŭ pa ŭsim tvary. Dana žartavała, što ŭ niejki momant padumała, što ŭ vyniku pieratvorycca ŭ rusałku — ci čyrvonuju rybu.
— Adrazu paśla pracedury ja sapraŭdy vyhladała jak łasoś. Ale ŭžo praz tydzień maja skura stała ŭvilhotnienaja, jak byccam ja naniesła miljon karejskich kremaŭ.
U Minsku, darečy, taksama možna zrabić ukoły pryhažości preparatami, u skład jakich uvachodzić DNK łasosia. Kaštavać heta budzie pryblizna 470 rubloŭ.
Čamu ŭsio bolš žančyn ciapier nosiać doŭhija vałasy?
Biełaruska admoviłasia ad bjuci-pracedur i vyrašyła hod nie nabyvać adzieńnie i abutak. Jana raskazała navošta
Siabroŭka Viery Palakovaj-Makiej sprabuje pradać elitny sałon pryhažości bolš čym za miljon dalaraŭ
«Byccam haračyja prasy pastavili na vočy». Biełaruskaja viadučaja ščyra raskazała, na što pajšła dziela pryhažości
Ciapier čytajuć
28‑hadovy biełarus pajechaŭ u Rasiju i ažaniŭsia. Adrazu zavierbavaŭsia na vajnu, pavajavaŭ miesiac — i zahinuŭ8
28‑hadovy biełarus pajechaŭ u Rasiju i ažaniŭsia. Adrazu zavierbavaŭsia na vajnu, pavajavaŭ miesiac — i zahinuŭ
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4444
Kamientary
I pry čym tut łasoś?