Ułady ES spračajucca, ci možna nazyvać viehanskija pradukty «sasiskami» i «šnicalami»
U Jeŭraparłamiencie razharajecca sprečka ab budučyni viehietaryjanskich i viehanskich praduktaŭ. Zaŭtra deputaty ŭ Strasburhu prahałasujuć za papraŭku, jakaja moža zabaranić vykarystańnie dla raślinnych zamieńnikaŭ zvykłych nazvaŭ nakštałt «sasiska», «šnical», «stejk» abo «burhier».
Kansiervatyŭnaja Jeŭrapiejskaja narodnaja partyja prapanuje abaviazać vytvorcaŭ pierajmienavać takija tavary, naprykład, u «pradukt na asnovie harochu» abo «aharodninnuju katletu», piša Bild.
Suprać inicyjatyvy vystupili najbujniejšyja kampanii haliny, uklučajučy Aldi, Lidl i Burger King. U adkrytym liście jany papiaredzili, što padobnaja zabarona naniasie surjozny ŭdar pa niamieckim i jeŭrapiejskim rynku raślinnych praduktaŭ.
«Pakupniki vydatna razumiejuć roźnicu pamiž raślinnymi i miasnymi praduktami», — havorycca ŭ liście.
Pa acency Good Food Institute Europe, siektar raślinnaj ježy moža prynosić Hiermanii da 65 miljardaŭ jeŭra i zabiaśpiečyć 250 tysiač pracoŭnych miescaŭ.
Partyjnaja linija padzialiła deputataŭ: «Zialonyja» nazyvajuć inicyjatyvu «sabatažam pierśpiektyŭnaj haliny», tady jak prychilniki JENP na čale z deputatam ad CHDS Norbiertam Linsam patrabujuć «jasnaj miažy pamiž raślinnymi i žyviolnymi praduktami». Pavodle ich słoŭ, heta nieabchodna «dla abarony spažyŭcoŭ i fiermieraŭ».
Kamientary