Maładoha błohiera i zachavalnika archiva Kličaŭskaha krajaznaŭčaha muzieja asudzili za «sadziejničańnie ekstremisckaj dziejnaści»
Jaŭhien Staravojtaŭ — krajaznaŭca i stvaralnik błoha «Mahiloŭskija chroniki», u jakim jon raskazvaje pra cikavostki rodnaj Mahiloŭščyny. Ale niadaŭna jon pravioŭ bolš za try miesiacy ŭ SIZA — padobna, pa spravie Hajuna.
Jaŭhienu Staravojtavu 26 hadoŭ. Jon rodam z Kličava. Paśla škoły pastupiŭ u Mahiloŭski dziaržaŭny ŭniviersitet imia Kulašova, dzie vučyŭsia na archieołaha. Skončyŭ mahistraturu tam ža. Jahonaja śpiecyjalizacyja — vyvučeńnie kultur žaleznaha vieka na terytoryi Biełarusi.
Jaŭhien — patryjot svajoj małoj radzimy. Jon doŭhi čas pracuje ŭ Kličaŭskim krajaznaŭčym muziei, zachoŭvaje chroniki muzieja i arhanizoŭvaje tam mierapryjemstvy.
A try hady tamu Staravojtaŭ stvaryŭ prajekt «Mahiloŭskija chroniki». Heta videabłoh pra cikavostki i zajmalnyja fakty z historyi Mahiloŭskaha kraja. Jon maje bolš za 4000 padpisčykaŭ u jutubie i bolš za 7000 — u instahramie. Prajekt naminiravaŭsia na konkurs «Padarožničajem pa siniavokaj».
Chłopiec źnik z sacsietak u kancy maja 2025 hoda — jaho źmiaścili ŭ SIZA. Vyjšaŭ jon na pačatku vieraśnia, užo paśla prysudu pa č. 1 i č. 2 art. 361‑4 KK — «sadziejničańnie ekstremisckaj dziejnaści». Padobna, Jaŭhien trapiŭ pad pieraśled pa spravie Hajuna.
Jaŭhienu Staravojtavu prysudzili chatniuju chimiju. Jon praciahvaje raspaviadać pra svoj rodny kraj.
«Naša Niva» — bastyjon biełaruščyny
PADTRYMAĆCiapier čytajuć
Bližejšym časam buduć vyzvaleny bolš za 150 palitźniavolenych37
Kamientary