Prezident Ukrainy paviedamiŭ, što ŭžo prybyŭ u Vašynhton, dzie na 17 kastryčnika zapłanavany jaho pieramovy ŭ Biełym domie z prezidentam ZŠA Donaldam Trampam.
U paviedamleńni ŭ telehram-kanale Zialenskaha apublikavany videazapis, zrobleny pa prylocie ŭ ZŠA kala trapa samalota. Bort z prezidentam Ukrainy pryziamliŭsia na avijabazie Endrus.
Paśla prybyćcia ŭ ZŠA Zialenski sustreŭsia z pradstaŭnikami amierykanskaj abaronnaj industryi, u pryvatnaści vytvorcy ŭstanoŭ SPA «Petryjot» Raytheon i samalotaŭ F-16 Lockheed Martin. «Heta vytvorcy mahutnaj zbroi, jakaja dakładna moža ŭzmacnić našu abaronu», — padkreśliŭ ukrainski lidar.
Havoračy pra budučuju sustreču z Trampam, Zialenski zhadaŭ mirny płan kiraŭnika Biełaha doma pa spynieńni bajavych dziejańniaŭ u siektary Haza.
«My raźličvajem, što impuls strymlivańnia teroru i vajny, jaki spracavaŭ na Blizkim Uschodzie, dapamoža zakančeńniu rasijskaj vajny suprać Ukrainy», — napisaŭ Zialenski.
Maskva, pa jaho słovach, «śpiašajecca adnavić dyjałoh, jak tolki pačuła pra «Tamahaŭki».
Kamientary