U Minsku vyznačyli 128 miescaŭ dla raźmiaščeńnia płatnych parkovak
Miescy raźmiaščeńnia płatnych parkovak u Minsku padzielenyja na try zony. Adpaviednaje rašeńnie Minskaha haradskoha vykanaŭčaha kamiteta ad 9 kastryčnika 2025 hoda №4088 apublikavana na Nacyjanalnym pravavym internet-partale.
U pieršaj zonie buduć try parkoŭki (u Vierchnim horadzie ŭ miežach płoščy Svabody, vulic Maksima Bahdanoviča, Internacyjanalnaj, Zybickaj, Enhielsa na 171 mašyna-miesca, u Trajeckim pradmieści ŭ miežach vulic Staražoŭskaj, Staravilenskaj, Trajeckaj nabiarežnaj na 37 mašyna-miescaŭ, a taksama pa vulicy Zamkavaj, ad vulicy Vyzvaleńnia da praśpiekta Pieramožcaŭ, na 178 mašyna-miescaŭ), u druhoj — 103, u treciaj — 22.
Apierataram vyznačajecca dziaržustanova «Parkoŭki stalicy». Hetaja arhanizacyja budzie źbirać hrošy, sačyć za tym, chto nie zapłaciŭ abo schitravaŭ z sumaj, a taksama zajmacca spahnańniem zapazyčanaściaŭ.
Transpartny srodak na parkoŭcy moža znachodzicca biaspłatna na praciahu 15 chvilin z momantu ŭjezdu: dla pasadki, vysadki pasažyraŭ, pahruzki, razhruzki hruzaŭ.
Pamier płaty zaležyć ad zapaŭnialnaści, miesca raźmiaščeńnia parkoŭki, času i praciahłaści vykarystańnia, a taksama typu aŭto. Jana składzie ad Br0,25 da Br4 (na terytoryja Vierchniaha horada — da Br7) za hadzinu.
U vypadku nieŭniasieńnia płaty za parkoŭku abo ŭniasieńnia nie ŭ poŭnym abjomie ci niesvoječasova pamier apłaty składzie adnu bazavuju vieličyniu.
Ciapier čytajuć
U internet źlili pierapisku Kavaleŭskaha i Cichanoŭskaj. Ale kancoŭ nie znajści31
Kamientary
Navat kali navina - kopija z naviny BiełTA.