Z 1 śniežnia na ŭčastku ad 4‑ha pa 16‑ty kiłamietry MKAD u abodvuch napramkach z 7:00 da 20:00 zabaroniać ruch cichachodnych i małainiercyjnych transpartnych srodkaŭ, pišuć Minsk-naviny.
Zhodna sa statystykaj, z udziełam cichachodnych i małainiercyjnych transpartnych srodkaŭ (traktaroŭ, pahruzčykaŭ, ekskavataraŭ i h. d.) na chutkasnaj mahistrali pieryjadyčna adbyvajucca avaryi, u tym liku z paciarpiełymi.
Da DTZ časta pryvodzić vialikaja roźnica ŭ chutkaściach ruchu. Najbolš avaryjna niebiaśpiečnym pryznany ŭčastak MKAD praciahłaściu kala 12 km — ad raźviazki ź miascovym prajezdam ad vuł. Vaŭpšasava i vuł. Lipkoŭskaj da raźviazki z vuł. V. Turava i aŭtadarohaj N-9034. Tut, pavodle DAI, adznačajecca vysokaja ščylnaść patoku transpartnych srodkaŭ, u tym liku cichachodnych.
Płan mierapryjemstvaŭ pa abmiežavańni ruchu cichachodnych i małainiercyjnych transpartnych srodkaŭ u dzionny čas sutak na MKAD raspracavany rabočaj hrupaj pa daručeńni kamisii pa zabieśpiačeńni biaśpieki darožnaha ruchu pry Minharvykankamie.
U jakaści prafiłaktyčnych mier na ŭčastkach vulična-darožnaj sietki, prylehłych da MKAD ad raźviazki ź miascovym prajezdam ad vuł. Vaŭpšasava i vuł. Lipkoŭskaj da raźviazki z vuł. V. Turava i aŭtadarohaj N-9034 (u abodvuch napramkach), pastaviać darožnyja znaki 3.6 «Ruch traktaroŭ zabaronieny».
Zabarona pačnie dziejničać z 1 śniežnia na ŭčastku ad 4‑ha pa 16‑ty kiłamietry MKAD u abodvuch napramkach, z 7:00 da 20:00.
Alternatyŭnymi maršrutami ruchu cichachodaŭ u DAI nazyvajuć aŭtadarohu N-9034 — vuł. Sialickaha — praśpiekt Partyzanski, i miascovy prajezd MKAD — vuł. Vaŭpšasava — vuł. Radyjalnaja — prasp. Partyzanski — vuł. Kabuškina — vuł. Taškienckaja — vuł. Ubareviča.
Kantrol vykanańnia ŭdzielnikami darožnaha ruchu ŭviedzienych abmiežavańniaŭ budzie vieścisia jak u aŭtamatyčnym režymie, z vykarystańniem Respublikanskaj sistemy manitorynhu hramadskaj biaśpieki, tak i niepasredna supracoŭnikami Dziaržaŭtainśpiekcyi.
Kamientary